tgoop.com/ali_falah_wasti/610
Last Update:
قصیده في حق مشایه المقدسه
اتعنينه الكبرك افواج و البسنه احرام الحُجاج
کعبه انته و فوگك رایه منعوف احنه المشایه
***
یحسین بینه جمره من اخیامك
اهل الوفه متحزمه بحزامك
هاي الملایین التجي خدامك
عدها عزیمه تنذبح جدامك
زوارك تمشي ابأصرار وفایه و کلهم احرار
واحدهم عنده الغایه منعوف احنه المشایه
****
یاسیدي لجلك نضحي ادمانه
نمشیلك و حفظ العهد ویانه
نقسم قسم ما نتعب ابممشانه
و امك الزهره هیه تتلگانه
لبیكَ یبن الزهراء خل تسمع کل الأعداء
نقسملك نبقه ابهایه منعوف احنه المشایه
***
انته الحقیقه الواضحه و الأکبر
زوارك احنه و نگطع افجوج البر
میهمنه لو نتگطع و نتوذر
و ابکل سنه المشایه تصبح اکثر
یا شمس الأنسانیه کل انصارك شیعیه
یحسین و عدنه الغایه منعوف احنه المشایه
****
رغم المصاعب و الخطوره الکثره
ماعفنه دربك لا وحق الزهره
غایتنه نوصل کربله و للحضره
رایتته مرفوعه اعله طول المسره
واحدنه اتشوفه امحزم و ابدربك یحیي المأتم
مرفوعه اتظل الرایه منعوف احنه المشایه
****
نحسب نظل طول السنه یوم ابیوم
یمته تحل ازیارتك یامظلوم
و ابحضرتك ارواحنه اتظل اتحوم
واحدنه و ابوجه الوفه ظل مرسوم
و اهل الموکب تتعناك یا زایر تصرخ حیاك
منطینك کلنه احچایه منعوف احنه المشایه
***
یا کعبة الله ابکل زمان انطوفك
نقسم ابدمك سیدي منعوفك
یاخیمة الحب و الوفاء انشوفك
و الدنیا کلها صایره بچفوفك
یااجمل ضامي و مذبوح یا اسم الأعظم و الروح
و احنه احبابك وفایه منعوف احنه المشایه
***
لخادم الحسین علي فلاح الواسطي
11صفر
1444
BY الشاعر علي فلاح الواسطي
Share with your friend now:
tgoop.com/ali_falah_wasti/610