tgoop.com/ali_falah_wasti/612
Last Update:
قصیده في حق المشایه المقدسه الأربعین
ثامن عجائب هالزیاره نمشي زحف رهن الأشاره
غایتنه کربلاء و انجدد الولاء
********
حسین کعبه و نعتني مثل الحجیج
ناس من کل صوب اجت من کل فریج
ما یهمنه اشما کثر بینه الطریج
الحظرته نمشي و نشم هَب الأریج
و المهدي حاضر بالعزیه عالبچي ایعین امه الزچیه
تتعنه الأنبیاء و انجدد الولاء
********
رغم کلشي و المتاعب و الظروف
کل گلب یعتني ابشوگه للطفوف
رایته احرامه و لبوالیمه یطوف
هاذه یا عشگ الي جننها الألوف
لــ حسین صاروله عوابس و اعلیه اجو مثل النوارس
رایتنه بالسماء و انجدد الولاء
**********
اهلاً و سهلاً ابعاصمة الخلود
هاي ارض الغاضریه و الصمود
الکربلا تمشی ملایین الحشود
عله اعتابه حسین یسجد هالوجود
اهل المواکب شدو احزام لبیكَ صاحو کلنه خدام
بالحزن و البکاء و انجدد الولاء
********
ابلهفه یمشي بقه هالجمع الغفیر
الگبر ابوالیمه اعتنه حته الضریر
حسین صاحو عایش ابنص الضمیر
من البحر للنحر کل احنه نسیر
رغمً عله انفم النواصب الدنیا نترسها مواکب
یتعله هالنداء و انجدد الولاء
*********
بقت هالسُنه عله مر السنین
خبر أکدها الأیمه الطاهرین
من علامات المُحب و المؤمنین
یعتني مشایه یوم الأربعین
های الراویه ابکل مصادر و الشیعه تتحده المخاطر
وقعنه بالدماء وانجدد الولاء
********
تشهد اعلینه السماء اویه الأرض
نترس الدنیا عزه طول و عرض
لئن حب حسین یسري اویه النبض
قسم بالزهراء نحیي هالفرض
ابوجه الدهر صرختنه تعله هیهات نصرخ من الذله
بالمحشر اللقاء و انجدد الولاء
********
مرت اعلینه طواغیت اشکثر
چم یزید و حرمله و اشچم شمر
وین صارو؟ باللعن بس تنذکر
و بقه حسین ابکل گلب آیه و ذکر
و احنه مشینه ابهل عقیده و المایریده مانریده
ابمنهج الأتقیاء و انجدد الولاء
**********
لخادم الحسین علي فلاح الواسطي
13صفر
1444
BY الشاعر علي فلاح الواسطي
Share with your friend now:
tgoop.com/ali_falah_wasti/612