tgoop.com/ali_falah_wasti/614
Last Update:
یاعمي جابر مادریت ابکربله اشصار
ذبحو زلمنه و الخیم شبوها بالنار
**
انه العلیل و شیبي ظل یرکض ابراسي
هَم العلیه اتذوبت گلب الرواسي
ابطف کربله یاعمي شاهدت المآسي
شمسي اختفت و اعلیه عصفت ریح الأکدار
**
هالروح یاعمي بعد خلص صبرها
و ابذبح ابویه ذبحو الدنیا ابکبرها
یاجابر اهنا عمتي اخذو عمرها
همزین ما ماتت عله ضنوة المختار
****
یاجابر اهنانه العده ذبحو زلمنه
لو تدري من عگب الگمر سلبو حرمنه
و اعله الشریعه طاح من عدنه علمنه
و الشمر ظل یضرب یتامه ازغار و اکبار
*****
اهنانه علي الأکبر وگع و اختفت شمسه
جسام طفتو شمعته و ابیوم عرسه
من هالمصایب گلي شذکر مدري شنسه
جدام عیني یاوسف طاحت الأقمار
*****
یاجابر ابگلبي تشب نار الفجیعه
عبدالله صابو بالسهم ذبحو ربیعه
اشحاله الأبو لو شاهد اگباله رضیعه
گطع اگماطه من الألم و بدمه یحتار
***
یاجابر اهنانه شفت اعظم مصیبه
و حسین ابویه عالثره و جثته سلیبه
زینب تنادي امنین ابوفاضل اجیبه
طشرو شملنه و خل یجی حیدر الکرار
****
اشحال الیشاهد راس ابو یمشي لي جدام
و اهل الشماته بالنظر ترمینه بسهام
و الأشد و الأصعب خذونه الکوفه والشام
ما شفت واحد عنده غیره و صار نغار
*****
ردینه من الدرب الیسر و الهَم علیه
اتمنه بالشام و لفت لیه المنیه
من عمت عیني دافن اهناکه رقیه
و اعله الطشت ماتت اخیتي ابحکم الأقدار
****
لخادم الحسین علي فلاح الواسطي
15صفر
1444
BY الشاعر علي فلاح الواسطي
Share with your friend now:
tgoop.com/ali_falah_wasti/614