tgoop.com/ali_falah_wasti/639
Last Update:
یاعم سلمان سولف بالجره اعلیه
هجمو عالدار یمکن بالـــ ثلثمیه
*
رب العرش ارسل والدي رحمه
عگب عینه شجاها اتغیرت الأمه
الشمس عافوها رکضو کلها عالظلمه
واحدهم تشوفه بایع الذمه
صارو احزاب ضدي و حسرتي بیه
هجو عالدار یمکن بالـــ ثلثمیه
*
یاسلمان واحد انته من عدنه
سولف عالوگف ویانه و الضدنه
چنه ابخیر لمن چان والدنه
فقره عشنه بس الناس تحسدنه
أذونه اهواي نکرو ذیج الوصیه
هجو عالدار یمکن بالــ ثلثمیه
****
مَن الطارق صحت و أبلیس حاچاني
گلي خل علي ایبایعنه شمتاني
لو بابج نحرگه! ابهاي أذاني
نکسر ظلعچ ایگلي بقه الثاني
انکشفت اسرار صوره و ماهي مخفیه
هجو عالدار یمکن بالــ ثلثمیه
***
اکتبها الأسامي الهجمو اعله الدار
یاهو الکسر ظلعي و سب علي الکرار
شفت السمه اختنگت من لهیب النار
ابغفله ابصدري شفته نابت البسمار
ابني المحسن شلته ابدمعی بدیه
هجو عالدار یمکن بالـــ ثلثمیه
***
فوگ العصره یاعم صایره انحیله
بحیث السطره چانت کلش اثگیله
علي اگبالي اشوفه المدمع ایسیله
خفته ایموت اذا بس کلمه احچیله
گیدو چفه و انه اضلوعي محنیه
هجو عالدار یمکن بالـــ ثلثمیه
****
یا سلمان احچي فاجعه الکُبره
گلهم مو مریضه ماتت الزهره
ماتت لئن بیها اضلوع متکسره
و ابخدها بقت مطبوعه هالسطره
احچي عالصار گلهم ایدي مچویه
هجو عالدار یمکن بالـــ ثلثمیه
****
لخادم الحسین علي فلاح الواسطي
13جمادي الأول
1444
BY الشاعر علي فلاح الواسطي
Share with your friend now:
tgoop.com/ali_falah_wasti/639