tgoop.com/alialialqran/11423
Last Update:
خرج ضعن الامام الحسين وبقيت ام البنين تنتظرهم ولم يعودوا وكأني بها تقول :
راح آنه أموت .. وأحبابي ماردوا ألي
راح آنه أموت .. أدركني ياحيدر علي
راح آنه أموت .. ردهم عليه يالولـــي
راح آنه أموت
* * * * * *
بيوم ودعت الدرر ودعتني العافيـــــــه
شوفي عندي بس أحس جن عيوني طافيه
نكهة الدنيه مشت دنيا صارت جافيــــــه
ودوم ويانه الزمن نيته أبد مو صافيــــه
شنفع الحياة .. ألمن أعيش آنــــــه بعد
شنفع الحياة .. وعن عيني كل غالي ابتعد
شنفع الحياة .. صرخات كلبـــي تعتلــــي
راح آنه أموت
* * * * * *
صار بيـــــه من مشوا داي ظل ياذينــي
وفقط رجعتهم علي بس أهي تشفينـــي
حيلي راح امن القهر من مشوا ظي عيني
خايفــه بس لا أموت وما اشــوف حسيني
طال الغياب .. واحباب كلبــي أتأخروا
طال الغياب .. وشكد صبرت وما أجوا
طال الغياب .. وهمي بعد ماينجلـــي
راح آنه أموت
* * * * * *
بالنهار آنه أنتظـــــر وينتهي كل حيلي
ولمن أتطيح الشمس امن السهر ياويلي
علي ينطـــــر الفجر نوح يخلص ليلــــي
لحالي نجمات السمــــه للصبح تبجيلي
كافي عذاب .. مليت كافي يادهــــــر
كافي عذاب .. انشلع كلبي امن القهر
كافي عذاب .. ياروحي وشتتأملـــــي
راح آنه أموت
* * * * * *
عندي أولاد اربعه حبهم بدلالي
راحوا وماحسبت ولاشغلـوا بالي
ليـل ونهـــار الكلب منشغل بالغالي
حسين من كل شي أعز حسين كل آمالي
شلون آنه أعيش .. بلياه كلبـــــــي مايدك
شلون آنه أعيش .. لو ما أشمــــــه أختنك
شلون آنه أعيش .. من دون محبوب العلي
راح آنه أموت
* * * * * *
مره هالدنيـــــه غدت راح المحليــها
بعده صارت موحشه وماكو وآهس بيها
بكت روحي امعلعلــه من رحل غاليها
أمنين أجيبلها صبـــر شنهي اليسليها
صبي يعين .. وظلي ربيه اعلى الدرب
صبي يعين .. وأعمي على أعزاز الكلب
صبي يعين .. بغيابهـــــم دم أهملــــــــي
راح آنه أموت
* * * * * *
سلام المشعل
BY نشر القصائد الحسينية لجميع الشعراء
Share with your friend now:
tgoop.com/alialialqran/11423