tgoop.com/alialialqran/11819
Last Update:
قصائد محرم الحرام(الليله الرابعه)
قصيده رئيسيه (ام البنين (ع)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يامره ونعم المره هم وفيه وصابره
ام البنين معدله دزت ولدها لكربله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتي موبدويه انتي انتي علويـــه تــــره
والنعم يم عباس منچ صرتي للعز مفخره
ماشفت بالكون مثلچ وحده مثلچ صابره
جرى دمعچ للحسين وعلى ولدچ ماجرى
بشر ابـــــــن حــذلم اجاچ
بموت ولـــــــدچ خبــــراچ
اعلى حسين سأليتي وهله
ام البـنيـن معـــــــدلــــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والنعم منچ يالابيـه أفضالچ انتي هوايه
اول افضالچ يحــره نذكره لازم بالبدايــه
الطايح بشده يحــره ومحتار والله برايــه
الينخاچ خايب مايرد تحـقـقيلــه الغـايـــــه
كلمن الدنيــه ضـدتـــه
تحضريله انتي بشدتـه
تحلين اكبــــــر معضله
ام البنيــــن معـــــدلـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والنعم منچ هايحره والنعــــم يـم البنين
قدميتي اولادچ انتي فدوه كلهم للحسين
لكربله دزيتي ولدچ وبيهم انتي توصين
حسين لتعوفونه وحده سند صيروله ومعين
ابـن حـماي الحــمــه
سند صيروله وحمـه
هـذا ابن عقــد الولـه
ام البنيــــن معدلــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بحسين وصيتي اولادچ وصيتي عباس الكفيل
گلتيله يايمه أريدك تسوي يبني المستحيل
حسين يستاهل نخدمه ابن حماي الدخيل
لاجله كلنه لونموت بحقه يايمه قليل
انتــه واخوانك أريـــد
تنصرونه لويبقه وحيد
خـدام يولادي ألــــــــه
ام البنيــن معـــدلــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والنعم منچ يالابيه نعم والله والنعم
بالوفه معروفه أنتي ومعروفه والله بالكرم
لعلي حيدر خلفيتي فاطمه أربع زلم
امربيتهم انتي عالشجاعه امربيتهم انتي عالقيم
خلفتي انتـي العبــــاس
يسواله ميـه مـن الناس
اصبــــــح كفيل العايلـه
ام البنيــــن معـــــدلــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الخادم عمادمحمدالدراجي
الخميس 2021/7/15
BY نشر القصائد الحسينية لجميع الشعراء
Share with your friend now:
tgoop.com/alialialqran/11819