tgoop.com/alialialqran/11871
Last Update:
محرم الحرام (الليله الرابعة ام البنين ع)
سبحان الله شوفتكم لمتكم روحي اتحبها
انا لله هالايه عالرايه راح اكتبه
اتبده امن جفوفي الماي والله اليستر من هاي
***
ما ودلي افاركم بعيني ضلت صوركم
من تروحون ما تبقه عيون وبحالي اشلون يايمه
الروحتكم خذت خيره وبيه كبرت الحيره
كالت بعدين رايح تبجين ويموت حسين يايمه
كبر حزني وكثر شوكي ودمع عيني جريته
نسيت اسمي لجن اسمه ولا لحضه نسيته
عله العشره يحن كلبي وقهر ميت لكيته
محرومه النوم وتحسر وتنطر وبجي بحركه
اعليكم كل يوم ضل خوفي وجفوفي احتاجت ملكه
كل ساع اترف عيناي والله اليستر من هاي
****
بيه اشسوه فركاكم صحت اخذوني وياكم
اهواي اشتاكيت والكم حنيت ضل وحشه البيت يحبابي
جريت النفس كوه يمه الفركه مو حلوه
للباب الروح كل ساع اتروح مليانه اجروح يحبابي
تركتوني ونسيتوني وبقت بس ذكرياتي
بديت اذبل بديت انحل حزن خلصت حياتي
سوالفكم مواقفكم تجي حته بصلاتي
شيخلص الليل صرت اتعب واتعذب شلي بعمري
دمعاتي اتسيل منتظره والعبره خنكت صدري
سافر روحي ورجواي والله اليستر من هاي
***
كلبي بكلبي شايلكم وتنطر رسايلكم
تجويني النار وبجرحي احتار شو ماكو اخبار من عدكم
ضليت ابجي يوميه مكتوب البجي اعليه
شمسي امن اتغيب جم شوغه تجيب كل هذا الشيب من عدكم
ورد ذابل عتب شايل صرت هيج بجفاكم
خلص صبري اختنك صدري وريد اشتم هواكم
الهظم شفته الفرح عفته وكبرت اشكد وراكم
صوت الالام بنفاسي واحساسي دنيه اتسمعه
جبت الايام بونيني واسنيني بعمر الشمعه
بموتتكم احلم جاي والله اليستر من هاي
*
انه ام البنين امكم وبالي يالولد يمكم
من عكب الراح ما راح ارتاح وكظيها انياح يولادي
بحسين انه اوصيكم وما ضاع الربه بيكم
كون اتحرسو وبالدم تفدو خيكم وافو يولادي
ضعف شوفي وكثر خوفي وشفت يمه المنيه
العمر هوه وصحت فدوه الولد لبن الزجيه
ابو اليمه الكلب يمه ويعز فكده عليه
اكتب بلآه مكتوبي المحبوبي وياهو ايوصله
واشلون انساه مو يمي وبدمي عايش والله
فجئه وتيهت الراي والله اليستر من هاي
****
وينك يا كمر هاشم توفي بالعهد لازم
بزينب اوصيك خل تفخر بيك معتمد اعليك يوليدي
اختك تدري مهيوبه اليوم الفزعه مطلوبه
بزودك عباس خل تحجي الناس يابو النوماس يوليدي
احشمنك وكلفنك يبو الخوه العظيمه
الوفه بذمتك اريد اختك تصير اعليها خيمه
الدمع احمر يبن حيدر حرك خدي بجحيمه
راح الاطفال تنتظرك وتخبرك عن ضماها
لو شفت الحال بيها اهتم وتحزم لا تنساها
عالشط ضل رايح جاي والله اليستر من هاي
***
تمت
تحسين الخفاجي
BY نشر القصائد الحسينية لجميع الشعراء
Share with your friend now:
tgoop.com/alialialqran/11871