tgoop.com/alialialqran/21674
Last Update:
ياصاحب الزمان.. مدد يانضري ونفسي
((شوور))
هنه هواي شحچيلك
مــــــــــــن يا هيه ابديلك
دخيل الله اشكثر حنيت
كلشي البيه يبجيلك
أبدي ابدمعة اعيوني... وسواد الداير اچفوني
وشيب الغطه كل وجهي
وكلام البي يهضموني...
لو من شامت ابحچيه..يگلي انسه اله جيه
خرافه يگلي مهديكم
ابچي ويضحك اعليه...
ما همني حچي الشامت
اليهمني اعرف اشـــــــلونك
رغم البيه حــــدر افاي
وصحاري الغيرت لــــــونك
(العجل العجل.. ياحبيب فاطمه)
ــــــــــــــــــــــــــــــــــــــــــــــــــــ
يمته يا دوه عـــــلتي
يكل عافيتي اوصحتي
رد يا لهفت المــــــشتاگ
طغى ياسيـــــــــدي وكتي
خلصّت العمر انطر.... اصوم ابدمعتي وافطر
عليك اتعذبت روحي
يمته وغيمتك تمــــطر....
تدري لشوفتك ضامي...جمعه صارت ايامي
ازگيني العطش چتال
انته كــــــــلهن احلامي....
أذا ما ابچي لحضه اعليك
احس ابـــــــروحي عطشانه
وذا ما مــــــــــــرت ابطاريك
احس سالفتي عــــــــــــــريانه
(العجل العجل.. ياحبيب فاطمه)
ــــــــــــــــــــــــــــــــــــــــــــــــــــ
كلشي العنـــــــدي من خيرك
وروحي ما هــــــــــوت غيرك
ألبي الدعوه انته اتگـــــــــــول
وتحــــــظر للــــــــــــذي يجيرك
اليحبك سيدي متعوب.... يخنگه لو يطر لغروب
وگولن حالتي اهوون
يساعد گلبك المنهوب....
تشوف المنظر ابعينك... شلون يرضن احسينك
نبچي أحّنه بس انهيد
وبواچي خلصت اسنينك....
غايب عن نـضرها العين
بس ابكل عـــــــــزه تحظر
أحســــــــــك واشعر ابقربك
وعليه ابــــــــــــــرحمتك تنظر
(العجل العجل.. ياحبيب فاطمه)
ــــــــــــــــــــــــــــــــــــــــــــــــــــ
ذنوبي هيه آلتحجبك
ذنبي هذا مــــــو ذنبك
فوگ اجروحك انه اعليك
لساني مصلحـه يـــــندبك
لومن كل كلب ادعي.... وصبن من صدگ دمعي
چا خفت جروح البيك
جذبه لساني الك يلعي....
أكـول لشوفتك ضامي... وگولن ساكن احلامي
وگول لخاطرك ساهر
أغشك يل ألي حامي.....
ادور روحي مــــــــا دورك
وانا الزايـــــــد يــــــــقهرك
وانته بكل حنــــــــــان البيك
تگرب كـــــــــــــــــلمن يهجرك
(العجل العجل.. ياحبيب فاطمه)
ــــــــــــــــــــــــــــــــــــــــــــــــــــ
تمت بفضل صاحب الفضل علي
مولاي صاحب الزمان عج
خادم الزهراء وأولادها ص
✍️ياســــــــر الـــــــــــزيادي
BY نشر القصائد الحسينية لجميع الشعراء
Share with your friend now:
tgoop.com/alialialqran/21674