tgoop.com/alialialqran/21830
Last Update:
مدد مولاي ياكاضم الغيض..ع...
رباطات هوسات...موسى بن جعفر الكاظم ص
ــــــــــــــــــــــــــــــــــــــــ
فرهدت حيله... فرهدت حيله
ثجيلات السلاسل... فرهدت حيله...
ـــــــــــــــــــــــــــــــــــــ
ضيگ امچانه... ضيگ امچانه
اضلم وبن شاهك... ضيگ امچانه....
ــــــــــــــــــــــــــــــــــــــــــــ
طلعو روحه... طلعو روحه
فوگ الضيم بالسم... طلعو روحه...
ـــــــــــــــــــــــــــــــــــــــــــــ
ما مروينه... ما مروينه
ميت مثل جده... مامروينه....
ــــــــــــــــــــــــــــــــــــــــــــــــ
باقي بايده.. باقي ابأيده
ميت والسلاسل.... باقيه بأيده....
ــــــــــــــــــــــــــــــــــــــــــــــــــ
مادرو بيها... مادرو بيها
ألمن هالجنازه.... مادرو بيها....
ــــــــــــــــــــــــــــــــــــــــــــ
مادرو هاشم.... مادرو هاشم
سمو ابن جعفر... مادرو هاشم....
ــــــــــــــــــــــــــــــــــــــــــ
موش اهاليته... موش اهاليته
غربه ليش فزعو... موش اهاليته....
ـــــــــــــــــــــــــــــــــــــــــــــــــ
لا تأذونه... لا تأذونه
يشيعه بهيده شيلو... لا تاذونه
ــــــــــــــــــــــــــــــــــــــــــــ
ما يعرفونه... ما يعرفونه
من ضيم الزنازن... ما يعرفونه....
ـــــــــــــــــــــــــــــــــــــــــــــــــ
والله ذبلانه... والله ذبلانه
جثته من الضوالم... والله ذبلانه
ـــــــــــــــــــــــــــــــــــــــــــــــــ
شابحه اعيونه... شابحه اعيونه
صوب احسين جده... شابحه اعيونه...
ـــــــــــــــــــــــــــــــــــــــــ
عليه نصبوها... عليه نصبوها
جوادركم يشيعه.... عليه نصبوها
ـــــــــــــــــــــــــــــــــــــــــــــــ
لسان حال الخدام...
والله فجعونه... والله فجعونه
بخبر موتك يموسى... والله فجعونه
ـــــــــــــــــــــــــــــــــــــــــــــــ
حيل أذونه... حيل اذونه
من سمو چبدتك... حيل اذونه...
ـــــــــــــــــــــــــــــــــــ
فزعه فزعوله... فزعه فزعوله
يخدام بلطمكم... فزعه فزعوله.....
ــــــــــــــــــــــــــــــــــــــــــ
گومو شيعوها... گومو شيعوها...
الجنازه ابعاد اهلها... كومو شيعوها....
ــــــــــــــــــــــــــــــــــــــــ
ما له عوانه... ماله عوانه
محاميل التشيله... ماله عوانه....
ــــــــــــــــــــــــــــــــــــــــــ
تمت بفضلهم صلوات ربي عليه...
✍️ياسر الزيادي
BY نشر القصائد الحسينية لجميع الشعراء
Share with your friend now:
tgoop.com/alialialqran/21830