tgoop.com/alialialqran/9276
Last Update:
#قصائد_وفاة_ام_البنين_ع
كانت ام البنين معلمة العباس 😭
ــــــــــــــــــــــــــــــــــــــــــــــــــــــــ
وفاة ام البنين (ع)
معاناتي بغيابه...بده يهود المهه
وروحي اللي تريده. ملك موتي لزمهه
وداعاً كل نفس بيه
مشتاكه لبو ارقيه. وداعاً
**
بغيابه كبرت جروحي
انوح وينسمع نوحي
طلعت روحي من روحي. مشتاك الكلب
بالطف ذبلت شموعي
جروحي تواسي بدموعي
من الهم صاحت اضلوعي. مشتاك الكلب
يدري الله كل حالي
بس واحد شغل بالي
عندي حسين بس غالي. مشتاك الكلب
عمري بلايه واهس بدونه عيشه مره
اللهي معن عليه. اشوفه ولو مره
وداعاً يا اعز ناسي
اجاني الموت بحساسي. وداعاً
**
يروحي من بعد فركه
عجلي بساع للملكه
هي موته جن شهكه. من فدوه العمر
بفراكه انحنه ظهري
الهوه هذه خنك صدري
انه حسين كل عمري. من فدوه العمر
جماله وحسن عاطفته
كيانه وعظم منزلته
عليها الكلب عودته. من فدوه العمر
شمحلاها المنيه مو قصدي اعله جنه
اشوف حسين ابني وذكره بالمحنه
بدمعي تذبل اجفوني
لحد ما تشبع عيوني. وداعاً
**
كسرني بيوم جافاني
غريبه بداري خلاني
الهج اسمه بلساني. كل لحظه التمر
كلبي ضاع مفتاحه
منه انكطع سباحه
عكبه ماشفت راحه. كل لحظه التمر
يروحي شلون كابرتي
وحيده تعيش عاطفتي
وخرسه تموت سالفتي. كل لحظه التمر
اسولف المن اني عاطفتي وحناني
منهو العاش مثلي يجي ياخذ مكاني
ما يحمل بشر مثلي
حتى يصبح بحلي. وداعاً
**
شمات الهوه بريتي
فراكه شو سكن بيتي
مشت وياه عافيتي. من عني مشه
عشنه الحلوه والمره
بزوايه بيت ظل ذكره
دمع ومناشغ وحسره. من عني مشه
مدينه كلبي مهجوره
ظلمه من بعد نوره
حفظت ابالي جم صوره من عني مشه
اليله اني اسافر. يتانيني حبيبي
انه من حسين اشوفه علي يكثر نحيبي
وداعاً يلتخدمونه
امشي للتحبونه. وداعاً
**
اسولفله حجي هوايه
وفرحه اني بحجايه
خدامك تره هوايه. واحدهم كلف
عاشو جن جسد واحد
وحاشه البيهم يزاود
صاحو انت بس قائد. واحدهم كلف
الشعائر عايشه بدمهم
وغله من الشرف عدهم
اليمس الخدمه جن مسهم واحدهم كلف
يصونون الامانه. وأمانه الخدمه عدهم
لذالك اليمسها. جنه يمس شرفهم
كل خادم تره الخدمه
يعشكها مثل امه. وداعاً
**
حنينه عليك كل ناسك
بيهم يرتفع راسك
هذوله اجفوف عباسك وحزام الظهر
خاضوا بالعشك دربك
مخليهم عله كلبك
لذالك ماتوا بحبك. تربيت الكمر
عشكو والعشك مكتوب
وايسمونك المحبوب
من حسين لا منتوب. صاحو لدهر
رساله وصلتها بظرف من الخدامه
الخدامه بخير كلش وبعدها بالسلامه
جبت منهم انه اميه
وسلامي شكثر لرقيه. وداعاً
نسألكم الدعاء
علي حسين المياحي
BY نشر القصائد الحسينية لجميع الشعراء
Share with your friend now:
tgoop.com/alialialqran/9276