tgoop.com/alialialqran/9281
Last Update:
انه اشما كصت وياي دنياي
ادري ام البنين التوكف اوياي
عظيمه وكريمه
**
عالباب ادليك روح الها تنطيك
كللها حليها والشده تكظيها بالشده معروفه
ام الكرامات اشكد تكظي حاجات
ما انسه وكفتها جم شده حلتها والموقف انشوفه
امن انخاها بحساس اتوديلي عباس
ويوكفلي ابو الغيره وما تبقه كل حيره ايعزبني بجفوفه
لو ضاكت شفتها والامل ضاع
انخه ام البنين وتنكظي بساع
حليمه وكريمه
***
اليتعنه ليها تنطي بديها
حاشه ترد سائل هاي ام ابو فاضل سر الله اسميها
والضيع ادوه بس عدها يلكاه
شافيتك اتكله وطيب العله والحاجه تكظيها
تجليها الهموم والعاجز ايكوم
عدنه صحت مرضه يالبيج نتوضه يالحره شافيها
بيج اتحير الطب يم اللبنين
عالمرضه ابلاش انتي تكشفين
رحيمه وكريمه
****
الما عنده اطفال يشكيلج الحال
رايد طفل منج ودمعاته ندبنج وما طابن جروحه
ايسولف بالعيون عندي طفل كون
يشرحلج الحاله ومصيوب دلاله ويمج كثر نوحه
بروح الولد صار بي تنزهي الدار
وياحيرة العاجر اشكد تكسر الخاطر دمعتها مسفوحه
تتمنه طفل عدها وتناغي
وتكمطه بديها وتستعز بي
عليمه وكريمه
**
خادمها مهيوب بدفترها مكتوب
ما تنسه خادمها وسجل الخدم يمها بجفها تخط اسمه
اليحضر عزائات تنطي كرامات
وبدنيته اتوفقه وتكثر برزقه اعلي تنزل النعمه
اليخدم للحسين اترفعه درجتين
والحركته بصدره ام الوفه تشكره وينضره ابو اليمه
سوت للخدم خيمة جبيره
والديوان ابو فاضل يديره
عزيمه وكريمه
***
هاي الجليله كل هم تزيله
كظايت الحاجه ولابس يرد تاجه الحصل كرامتها
سر الهدايه ونور الولايه
ايسموها بدويه الكل البشر هيه ممدوده سفرتها
خلهم يشوفون اشما تصعب تهون
لو ضاكت انخاها والفاتحه اقراها جم شده حلتها
صفي النيه وتوكل عله الله
واحسب شدتك مكظيه والله
كليمه ورحيمه
*
تمت
تحسين الخفاجي
BY نشر القصائد الحسينية لجميع الشعراء
Share with your friend now:
tgoop.com/alialialqran/9281