جمرةُ غَضى

((السلام على النازحـين عن الأوطان))
- نشر عراقي-

عاف المدينه ورحـل مـن ديـرته مجـبور
مكسور خاطر مشه وعايف گلب مكسور

ابليل اظلم امْن الكحل شد رحله للغربه
مـحّـد طـلع ودعـه ولـحّـد لـِـزَم دربــــه
صـد اعلـه داره وبـچه وبيّـن هظم گلبه
بعده ابمدينة هَلَه وبيّن عَلِيْه عاشور

نـازح طلـع للاسـف مـن ديـرة اجـداده
ماچـنه ابن بت نـبي وسيد وابن ساده
مثل الغـريب ومشه اعليه ماكو نشّاده
سكته المدينه شعجب موديره چنهه اگبور

راح الگبر فاطمه وصاح بدمع هظمه
الانسان مهما كبر يحـتاج حِضْن امه
وحسين حن واجه لحـضانچ اتضمه
شمّيني يافاطمه بنحري اليضل منحور

شخلّف وراه بس بچي واگلوب مفجوعه
مـن الـعليله البـقت بچـفـوفْـهَـهْ ادْمـوعه
وام البـنـيـن ابـحــزن تــتأمل ارجــوعـه
صاحت يماخذ گمر ظلت مُظِلْمه الدور

چـان الظـعن مطمـئن رغـم المشي بالبر
وساقي العطاشى يرف بالبيرق الاخضر
مـا زال عـبـاس اكــو .. خَـتْـأَمِّـنِ الخِدّر
تغفه وتنام برغد دام العلم منشور

وام الطفل عالطفل لولت ومِتْأَمْلَهْ
يكبر ابنـهه الـولد وعالخـيل يِتْعَلّه
ماتدري باچـر يِـرِدْ وبرگبـته النبله
مادار عمره سنه وسهم اعله نحره ايدور

بظعنه عفاف الـنبي المـاكو اعـف منه
واللي مشت وَيْ أهل خُطْوَتْهَهْ مِتْأمْنَه
بـس بـاچر بـكـربـلـه چـم حُره تـتمنه
اتمَوِّتْهَه نار الخيم ولانظره من ناطور

اويـاهـم خيم تنـصب مامونه كـل مـغـرب
تالي اعله روس الحرم هاي الخيام اتشِب
وِيطـلعـن امـن الخـدر حـالـتـهن اتـعـجّب
شيطفي عين الشمس شيغير المقدور




ابو حميدة الشويلي

https://T.me/alialmarhoon14

www.tgoop.com/alialmarhoon14/396

313 viewsedited  Jan 29 at 15:58

((السلام على النازحـين عن الأوطان))
- نشر عراقي-

عاف المدينه ورحـل مـن ديـرته مجـبور
مكسور خاطر مشه وعايف گلب مكسور

ابليل اظلم امْن الكحل شد رحله للغربه
مـحّـد طـلع ودعـه ولـحّـد لـِـزَم دربــــه
صـد اعلـه داره وبـچه وبيّـن هظم گلبه
بعده ابمدينة هَلَه وبيّن عَلِيْه عاشور

نـازح طلـع للاسـف مـن ديـرة اجـداده
ماچـنه ابن بت نـبي وسيد وابن ساده
مثل الغـريب ومشه اعليه ماكو نشّاده
سكته المدينه شعجب موديره چنهه اگبور

راح الگبر فاطمه وصاح بدمع هظمه
الانسان مهما كبر يحـتاج حِضْن امه
وحسين حن واجه لحـضانچ اتضمه
شمّيني يافاطمه بنحري اليضل منحور

شخلّف وراه بس بچي واگلوب مفجوعه
مـن الـعليله البـقت بچـفـوفْـهَـهْ ادْمـوعه
وام البـنـيـن ابـحــزن تــتأمل ارجــوعـه
صاحت يماخذ گمر ظلت مُظِلْمه الدور

چـان الظـعن مطمـئن رغـم المشي بالبر
وساقي العطاشى يرف بالبيرق الاخضر
مـا زال عـبـاس اكــو .. خَـتْـأَمِّـنِ الخِدّر
تغفه وتنام برغد دام العلم منشور

وام الطفل عالطفل لولت ومِتْأَمْلَهْ
يكبر ابنـهه الـولد وعالخـيل يِتْعَلّه
ماتدري باچـر يِـرِدْ وبرگبـته النبله
مادار عمره سنه وسهم اعله نحره ايدور

بظعنه عفاف الـنبي المـاكو اعـف منه
واللي مشت وَيْ أهل خُطْوَتْهَهْ مِتْأمْنَه
بـس بـاچر بـكـربـلـه چـم حُره تـتمنه
اتمَوِّتْهَه نار الخيم ولانظره من ناطور

اويـاهـم خيم تنـصب مامونه كـل مـغـرب
تالي اعله روس الحرم هاي الخيام اتشِب
وِيطـلعـن امـن الخـدر حـالـتـهن اتـعـجّب
شيطفي عين الشمس شيغير المقدور




ابو حميدة الشويلي

https://T.me/alialmarhoon14

BY جمرةُ غَضى