tgoop.com/alikerem/18831
Last Update:
قصيده للزهراء عليها السلام
لسان حال السيده زينب عليها السلام
زينب تجذب الحسره وتصرخ والدمع هالي
من بعدج يضي عيني النوگ تحن على حالي
❥ــــــ☆ـــــــ●ـــــــ☆ــــــ❥
عفتيني ومشيتي بعيد وصار الحزن عنواني
كل مغرب اذكرنج وتهيج بروحي احزاني
اذكر گعدتي وياج يالعايشه بوجداني
من دم اهمل الدمعه وبس الدمع يحلالي
الخـ✍️ــادمه ام زيد الشمري
❥ــــــ☆ـــــــ●ـــــــ☆ــــــ❥
فراكج ودر عيوني يم حسين من شلتي
بعدج دنيتي ظلمه اخذتي الحيل من رحتي
عفتيني ومشيتي وين وماگلتي تظل بتي
شلون انساج ياروحي احسج كاعده كبالي
✍️العلويه ام اياد
❥ــــــ☆ـــــــ●ـــــــ☆ــــــ❥
من دم تهل دمعاتي وگلبي مشتعل نيران
اصد ابحسره كتر الباب خبر يسعف گلب ولهان
لا ون يشفي عبراتي ولا شوغه ودمع غدران
روحي ماتريد البيت موتي بعدج اشوالي
✍ام اسعد الشمري
❥ــــــ☆ـــــــ●ـــــــ☆ــــــ❥
يالفرگاچ هدحيلي عليچ الليل مانامه
طالت سفرتچ يمه وروحي اعليچ محتامه
بعدچ ياضوه اعيوني الدهر صوبني بسهامه
ماانساچ انه فد يوم شخصچ دوم يبرالي
✍️ ام مهدي الفرطوسي
❥ــــــ☆ـــــــ●ـــــــ☆ــــــ❥
ماانسى السهر وارباج ولاايامج الحلوه
راحت گعدتي وياج چنتي للگلب سلوه
ياريت العمر يندار وروحي كلها الج فدوه
يالكلچ حنان وطيب منچ انحرم تالي
أم صـــ✍️ـــادق المنصوري
❥ــــــ☆ـــــــ●ـــــــ☆ــــــ❥
گلبي لشوفتچ محتام يالرحتي ونسيتينه
بعدنه ازغار يم حسين يمه ويتميتنه
مانرهم ترى بلياچ يزهره ليش عفيتينه
ماشفت الفرح بعدچ دمعتي بعيني اتلالي
✍️ام مهدي الفرطوسي
❥ــــــ☆ـــــــ●ـــــــ☆ــــــ❥
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/alikerem
BY قناة الشاعرة خادمة ام الحسن ام مهدي الفرطوسي
Share with your friend now:
tgoop.com/alikerem/18831