tgoop.com/alikerem/20238
Last Update:
وزن المجرشه
﴿. مستهل للسيده ام البنين عليها السلام ﴾
}العنـوان نارا لا تبـرد{
ـــــــــــــــــــــــــ💔
ام البنيـــن الطـاهــره تـجــري الدمـع والعـبره
من شافـت اضعـون ام طهـر صار الگلب بي جمره
وتگلـها يمـه امـودعـه الله أو علي اليحميـكم
وياكــم اشبـــول اربعـه وديــتـهـم تفــديـكم
لـو مر.عليـكم اي عطش مـن دمهم اترويـكم
والـي يــفارگ كل هلـه شنــهي يضله الـجـبـره
✍🏻 *_الشاعــرة ام مهــدي العيــداني_*
༺༺༻༻
شنهي جبرته المنكسر وتروح منه احبابه
دومه تضل جمرت لهب ابصدره تحجي امصابه
ودموع من تنزل مطر تححي الجره لغيابه
وبصدره مخنوك النفس ما تبره حسره بصدره
ام ✍🏻زين العابدين لمحمداويه
☆ــــــــ☆¤(๏❀๏)¤☆ــــــــ☆
افراگهم ثگل الجبل
اتموت یویلي الفرگه
ماحسبت يوم المشوا
بالگلب تبقی الحرگه
ابعادهم کلش کلف
موت ومرض بي شرگه
وحلام یومیه شگل
وحلمي صعب ليفسره
✍🏻 ام زينب الأسدي
☆ــــــــ☆¤(๏❀๏)¤☆ــــــــ☆
حلمي صعب يادنيتي منهي اليفسر احلامي
من الهضم ولي جره مابيه اشيل اجدامي
اعله فراكهم ممعلمه كلبي عليهم دامي
واليفكد اعزازه سوه بس الله هوه يصبره
أم ✍🏻حسين الابراهيميه ناصرية
☆ــــــــ☆¤(๏❀๏)¤☆ــــــــ☆
عنوان صارت للوفه محد شبه طيبتهه
ام البنين امعدله بس عالسبط ونتهه
ضحت ولدها الاربعه وأم الحسن شكرتهه
ياهي المثلهه تواضعت خدمت أبيت الزهره
الخادمة ✍ زينة الگريشاوية
☆ــــــــ☆¤(๏❀๏)¤☆ــــــــ☆
اليفگد احبابه موسهل صعبه تصير الحاله
لا نومه لاشربه بهنا والذكرى مثل اخياله
يتمنى كون الي يود هم دوم يمه اگباله
ام البنين اتعذبت ونار الگلب متوجره
✍️ ام محمد الساري
☆ــــــــ☆¤(๏❀๏)¤☆ــــــــ☆
حيلي رگد من الهجر افراگ الاهل اذاني
من فارگت كل عزوتي كثرت عليه احزاني
روحي تراهي امرمره وصار الحزن عنواني
گلبي خلص من القهر
عمري گضه بالحسره
✍️ ام مهدي الفرطوسي
☆ــــــــ☆¤(๏❀๏)¤☆ــــــــ☆
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها
https://www.tgoop.com/alikerem
BY قناة الشاعرة خادمة ام الحسن ام مهدي الفرطوسي
Share with your friend now:
tgoop.com/alikerem/20238