tgoop.com/alikerem/20262
Last Update:
قصيدة لم البنين لسان حال الموالي
ـــــــــــــــــــــــــــ
يم الكمر مسمومه
من الولد محرومه
مابخلت ابدمع العين
تعنى لمصابك يحسين
من الولد محرومه
┄┉❈❥ًً❀)🧿(❀❥❈┉
مسمومه هاي ام الكمر ومنهه الچبد يتگطع
لحسين زادت بالبچي، وماسكت منها المدمع
سموها لن جابت شعر لمصابه المايگطع
عدهه الحزن ماينتهي وفوگ الكلب اطبع
فركه الولد صار اسنين
تنعى لمصابك يحسين
ولعين تجري ادمومه
من الولد محرومه
خادمة اهل البيت ام ابراهيم
┄┉❈❥ًً❀)🧿(❀❥❈┉
منكطع لحسين الگلب
مايوم شافت راحه
تنعه وتنوح بكل وكت
خلص عمرها نياحه
ودموع ما نشفت ابد
والجفن زاد اجراحه
تمنت يرد ليها الولي
وتتباشر ابمصباحه
شيرت يحره الميتين
تنعئ المصابك يحسين
ويلاه يحسين ويومه
من الولد محرومه
ام ✍🏻زين العابدين لمحمداويه
┄┉❈❥ًً❀)🧿(❀❥❈┉
ماشافت بيوم الفرح من راح منها الغالي
الروح فرحت بعد من شال عنها الوالي
صبح ومسه تبچي
وتون والدمع عالخد هالي
لحسين كل ونها صفى وتگول اموت اشوالي
صارو عليه بعيدين
تنعى لمصابك يحسين
طول العمر مهمومه
من الولد محرومه
✍️ ام مهدي الفرطوسي
┄┉❈❥ًً❀)🧿(❀❥❈┉
ام البنين اتعذبت من يوم راحوا كلهم
اقمار وسفه الغربت والكون اضلم منهم
العمر مايسوه بعد من يوم فاركتهم
ترثي بشعر عن الولي كفار ماخلتهم
ترثاهم بدمع العين
تنعى لمصابك يحسين
من الدهر مهظومه
من الولد محرومه
✍️ ام محمد الساري
┄┉❈❥ًً❀)🧿(❀❥❈┉
من اجه الناعي واعتنه صوب الوفيه الحره
ملهوفه وبحرگه اجت تبچي وتون بعبره
احچيلي عن ابن النبي ماضل صبر انتظره
ايسي يگلهه مايجي ياوسفه گطعوا نحره
كلهم صفوا مطاعين
تنعئ المصابك يحسين
واليبچي لا منلومه
من الولد محرومه
ام احمد الساعدي
┄┉❈❥ًً❀)🧿(❀❥❈┉
الله زادج هالكرم ياام البنين الاربعه
ضحيتي بيهم ونعم لجل ذبيح لمصرعه
والله يهاي فاجعه
منها الحره مروعه
من اجه ناعي ونعه گلب الحنينه يصدعه
صعبه عليج وتنسين تنعئ المصابك يحسين
عله السبط مندومه
من الولد محرومه
ام✍🏻 رافد السامر
┄┉❈❥ًً❀)🧿(❀❥❈┉
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها
https://www.tgoop.com/alikerem
BY قناة الشاعرة خادمة ام الحسن ام مهدي الفرطوسي
Share with your friend now:
tgoop.com/alikerem/20262