tgoop.com/alikerem/20500
Last Update:
زحمة وهل نعش ياهو اليشيله
بوسطه بت علي هاي العقيــله
وين الي يشيــعـــون
وين اليحضر ام عون
مطروحه الجنازه—مطروحه الجنازه
><><><><><>
خبر منكم اليله وهاي رادتها
اخوها الكافل يمــر بجنـازتها
النعش ينهاب لو شالوه خوتـها
الهاي الحضه خوه تريد فزعتها
هاي الحملت انواع المصايب
وحيده تمــوت مابين الغـرايب
لاخوان يالفون
وين الحضر ام عون
مطروحه الجنازه—مطروحه الجنازه
ام احمد العبوديه زبير
><><><><><>
وين اخوان زينب خل يحضروهه
بهوسات وبعراضه هم يشيعوهه
هاي الزاچيه بهيبه يزتوهه
وبهيده بلحدهه من يحطوهه
اختكم يالحياده رايدتكم
والحد المنيه ناطرتكم
والنگبه اعله العيون
اختهم من يدفنون
مطروحه الجنازه
مطروحه الجنازه
✍️ ام مهدي الفرطوسي
><><><><><>
اخلاف اخوانها شافت چم مصيبه
وماهاد الگلب و ج نار ولهيبه
ابعوز اخوان وحدها تره غريبه
وماتت والكفل جاياهو يجيبه
وين اليعتني ليه ويدوره
يكله ابعازته اخته الحوره
صفره امغيره اللون
وين اليحضر ام عون
مطروحه الجنازه مطروحه الجنازه
✍ام مرتضى الخزرجي
><><><><><>
دم دموعها بالوجنه اتصبه
تصد عباس هيه تعاين الدربه
الف ياحيف عافوهه بارض غربه
مابيها اهل ويلي شكثر صعبه
احبابي مااظن ترضه حميتهم
اخوتي بكربله خلصت منيتهم
تكول شوكت يلفون
بالمغيسل يحضرون
مطروحه الجنازه
مطروحه الجنازه
✍️☘️ام فراس الساعدي ☘️
><><><><><>
يوحشه ياخلك والله هلجنازه
وتدرون الاخو عازاته فد عازه
وضلت بالغرب ويلاه معتازه
گلبها منكسرومفارك اعزازه
محد شافه ياهضم الي، ضكتي
عليج المر يهد اجبال شفتي
نصيح شلون وشلون
وين اليحضر ام عون
مطروحه الجنازه/٢
ام حسين المحمداويه
><><><><><>
تمت بااقلام شاعرات وابطة كفيل زينب ع لنشر مظلومية اهل البيت ع
غير مبري الذمه الي يحذف اسماء الشاعرات وينسبها له
https://www.tgoop.com/alikerem
BY قناة الشاعرة خادمة ام الحسن ام مهدي الفرطوسي
Share with your friend now:
tgoop.com/alikerem/20500