tgoop.com/alisaioan/2193
Last Update:
اليوم يا شيعة رزية مات سيد الجعفرية
والعلم صاح العلم ركن دين الله نهدم
والحزن خيم على روس البرية
.**************** ١ *********
طاح حامي الدين من طولة وگع
ونمرد دلالي من صدري نشلع
اليوم كل شيعي بمصابك منفجع
وعبرة مصابك يصادقنة شجية
وصاحت الدنية بالم ركن دين الله نهدم
والحزن خيم على روس البرية
.**************** ٢ *********
يا عمر بعدك يليث الله الهمام
يا عمود الدين ياركن التمام
صحنة بمصابك على الدنيا السلام
شيعة بعدك صحنة بس انتة هوية
صوت كل شيعي قسم ركن دين الله نهدم
والحزن خيم على روس البريةة
.**************** ٣ *********
بموتك الايام غطاها الحزن
أو لبست الدنيا خرك سود الفتن
وسكنت أولادك ضلم قعر السجن
وسجلو تاريخ للدنيا وقضية
الموت ما يثني العزم ركن دين الله نهدم
والحزن خيم على روس البرية
.**************** ٤ *********
ما تجي العزمك يمولاي الجبال
مثل حيدر همتك وكل الخصال
تشهد الدنيا الفضلكم والأفعال
ما تطخو الروس لو موت ومنية
فخر للدنيا نرسم ركن دين الله نهدم
والحزن خيم على روس البرية
************ ٥ *********
خل نشيع الصادق بضرب الجبين
خبر موتك گطع من گلبي الوتين
ودم دمع مولاي تنزف كل عين
بخبر موتك ضاگت الدنيا علية
ونفتح باب العدم ركن دين الله نهدم
والحزن خيم على روس البرية
************ *********
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2193