tgoop.com/alisaioan/2493
Last Update:
يا جواد الكاظمية
************ *********
نمشي لو موت ومنية
حشود لأرض الكاظمية
يا منار الكل قظية
ورمز للشيعة وهوية يا جواد الكاظمية
..**************** *********
يا إمام المكرمات
الموت في دربك حيات
وللقيامة انتة نجات
وذخر كل الباقيات يا جواد الكاظمية
..**************** *********
شوفتك تشفي جروحي
يا إمامي وروح روحي
مصيبتك زودت نوحي
وما سكن لومي وبوحي يا جواد الكاظمية
.. ************ *********
ريت روحي اليوم يمك
وكون ابوس تراب جدمك
جبدك مگطع بسمك
شيعتك تهتف باسمك يا جواد الكاظمية
..**************** *********
آه بالواكع غريب
بشدة والمنظر رهيب
بسمك احتار الطبيب
ورتفع صوت النحيب يا جواد الكاظمية
.. ..**************** *********
ويلي يالميت شباب
اه ياهول المصاب
سهم فكدك ضلعي عاب
وأذن أذان الغياب يا جواد الكاظمية
.. ************ *********
ويلي يم جدك مسجة
الكون بعدك صار عجة
وصارت بكل دار رجة
نموت وياك نترجة يا جواد الكاظمية
.. ************ *********
انة كون وليت اصير
وياكم بنفس المصير
بضاهري وصوت الضمير
بحبكم متيم أسير يا جواد الكاظمية
.. ************ *********
جيتك تقبل امامي
بحضرتك ابعث سلامي
ونتفض دونك محامي
الموت ماي وكلبي ضامي يا جواد الكاظمية
.. ************ *********
آه يا صوت الفجيعة
مالكت غيرك تبيعة
وروحي من سمك صريعة
غدرت وخانت سريعة يا جواد الكاظمية
************ *********
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2493