tgoop.com/alisaioan/2691
Last Update:
ثوره والعاشر بداية
رفعت بكل روح رايه
تعنونت وحسين غايه
يامامي يا حسين نور عيني يا حسين
_____ ١
انته قانون الكرامه ونته للعالم درس
تفننت فلاح شاطر الله نيتك بالغرس
توزعت شجرة كفاحك وكل حقل بيها نترس
وقطفت االفقره ثمرها ويحمي ضلها من الشمس
توزعت عل ناس كلها.
غيره ياهو اليوصللها
رغم ضلم الحاقدين نور عيني يا حسين
_______ ٢
انته قانون المحبه وانته علمت الهوى
العبد والحر في مقامك توحدو صارو سوه
ودمعك البلل جفونك نزل من فرط النوى
على عياله وعلى صحابه بجمر دمعاته نجوه
قطعه صرت بكل كلب.
وحصلت اشرف لقب.
وعشت عدهم كالوتين نور عيني يا حسين
______ ٣
انته قانون الفداء وبيك محتار الجميع
قدمت ولدك وخوتك شاب اهلك والرضيع
وصحبك الماكو مثلهم العبد والاصله رفيع
وجفك ينشف دموعك وكلبك الربك مطيع
بطيح الاكبر ذبت.
وللرضيع تمرمرت
وكمر طاح بلا ادين نور عيني يا حسين
__________ ٤
وانته قانون السلام وانته للفاكد امل
يعيش في دولة غرامك من الولاده للاجل
مايحس بوحشه وحده حسين اله ناس وأهل
وكل مطارد في حياته يحيه يمك لو وصل
انته عزه ومرحمه.
وماي للجبده ضمه.
نذكرك في كل حين نور عيني يا حسين
_________ ٥
انته قانون العداله المارضخ لهل الضلم
بعينه كل الناس واحد ومايحيف على لخصم
يطبق الحق على نفسه قبل غيره بكل حكم
يثبت اركان العداله بدمه وقع علقسم
العالم بعينه سواء.
هد عروش الادعياء.
خط نهج للسائرين نور عيني يا حسين
_______
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2691