tgoop.com/alisaioan/2707
Last Update:
يالمهدي أسألك من صدك
بيادمعه جفنك ينسبك
بذبح الحسين وكل هله
لو بالسبي وذاك الحرك
والحره من سلبوها بثاراتهم داعوها
وطبولها الهسه تدگ يالمهدي أسألك من صدك
****_______****_______********١
دمعي على دمعك سايل وما شاله جفني وهادل
يسأل عليك أعظم حزن على حسين لو عل كافل
يالنشفت دمع الجفن دمعك عليما نازل
ودموعك الشافوها بس الملك عدوها
والكلب من صدري نشرك يالمهدي أسألك من صدك
****_______****_______********
ادري الذبح عدكم فرض ودمكم موزع علارض
والضالمين توافقو. وناب الزمن بيكم يعض
لاكن عليكم ياحزن فت الدليل ورضه رض
وخيل العده الجابوها. الدوس السبط ودوها
وماخلن بجسمه عرگ. يالمهدي أسألك من صدك
****_______****_______********
لو بالرضيع وطيحته وللماي تلهب مهجته
يساعد الله أم الولد. غافي بسهم ما فطمته
لو جاسم وثوب العرس متحني من دم غيرته
شبان لو ذكروها كلوب الحجر فطروها
للموت واحدهم سبگ يالمهدي أسألك من صدگ
****_______****_______********
وصحابك وخير الملا متوذره بطف بكربله
مسلم وعابس ويه جون وحر وبرير وحنظله
رادو الموت تسابكو ياهله وبي ميت هله
وعين الغدر فكسوها وخيولهم عگروها
وفوگ الدرع گلبه نطبگ.يالمهدي أسألك من صدك
****_______****_______********
وعن المصيبه القاصمه نطبگت على الگاع السمه
العباس علماي نجتل وجفوف يمة مگطمه
وبعينه مشبوح السهم. والعمد راسه مهشمه
والجربه من شگوها. عيال النبي اذوها
والنهار من غيضه غرگ يالمهدي أسألك من صدك
****_______****_______********
والموت وحسين نفرد. بس يدري بن حيدر له ند
دار وعلى لموت حتوى وخلدله اسم واعضم مجد
وظلت الدنيه بلا ضوه وعل رمح جن كون وصعد
وعظامه ما خلوها. بالخيل رض رضوها
والرمح بالمنحر لزگ. يالمهدي أسألك من صدك
****_______****_______********
وم الخدر دمعه ومشت مسبيه والدنيه ستحت
وهل حاله عد أهل الشرف ما صارت ابدا ماجرت
ولحسره من صدر لصدر منحسين لضلوعك غفت
بالصدر شب الظاها. نارك منو الطفاها
لو تبقه وي نبظك تدگ يالمهدي أسألك من صدك
****_______****_______********
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2707