tgoop.com/alisaioan/2718
Last Update:
رايد تسافر روحي خليني أضل بجروحي
خليني أضل بذكرئ مره واغص كل مره
دنياي مولاي
رايد تسافر روحي
****. **** **
مشت والروح ويه جروحها ملاوه
ساعه تشد عليها وساعة بهداوه
اسبگي جدام خصمي وعيب نتساوه
انه ختمن انه بتمن يبت آوه
شتاليها عشرتي وياج يا ذيبه
شكواي مولاي
خليني أضل بجروحي
****. **** **
اصد للرمح مره ومره ليتامك
سبايه مدللاتك تمشي گدامك
شيرجعلي دلالك وذكر ايامك
وتغص العين طول الليل بحلامك
وفز مرعوبه وصرخ ونحب بريبه
بلواي مولاي
خليني اضل بجروحي
****. **** **
زينب اسمي الخدر وأنه ام الخدر
شلون امشي مگيده بسرج الشمر
والرمح مرفوع وبراسه الگمر
وكلفه عل حرات ماتحمل أسر
وأمر ربك يغيره وبيده تجليبه
دعواي مولاي
خليني اضل بجروحي
****. **** **
اريد ألمح صوركم ورفع الهامه
وشوفنكم يبيت الوحي والهامه
وشوف الكفر منكم هرب بصنامه
وشوف الدين بيكم عادت أيامه
وشوف حسين ما واگع بتصويبه
رجواي مولاي
خليتي أضل بجروحي
****. **** **
مشيت عللهزل موبيدي مرغومه
وعفت شيخ الهواشم والگمر نومه
يخوتي البين اسود حالكه علومه
أو صفيتو أنتو رمايه وانة مالومه
وجار الخصم خويه وقسه بتعذيبه
وسلواي مولاي
خليني اضل بجروحي
****. **** **
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2718