tgoop.com/alisaioan/2721
Last Update:
علجدك...... يالكبر بالحرب
تحزها........ ولا تخطي الركب
_____ ١
يبن الا فته كان
يشب بالجيش نيران
يخلي اوجوها ألوان علي وجده علي
شبل من جده عنوان
بطولة كان ماكان
يعزب موته ديوان ولي وشبل الولي
حتار ميدان الزلم والكون شب
جنه حيدر زلزل الحومه بغضب
___________________ ٢
ولا واحد يلاكيك
يموت الي يصد ليك
تدوسه اطراف رجليك. يطب سابع ارض
علحيدر من يلاويك
يفر ومايدانيك
يبن كرار ماضيك حرب طول وعرض
عشك صولت حيدره وبيها نعجب
كام يحصد بالزلم روس وركب
_____ ٣
وكع جن حجر سجيل
وجتهم طير ابابيل
وبيهم رادت تميل. الدنيه تزلزلت
نزل ورتجت الخيل
موت وجلجل لليل
وينه الرايد يعيل جنه بلا بخت
هاذا الكبر لو زعل شوفو العجب
يوجر الميدان نار بلا. حطب
________ ٤
ابن حسين لو كام
الغيره تصيرله حزام
يطك عروس والهام. ومايخطي الضرب
الأخير يصير كدام
ويرد النوب محتام
عيونه مراشك سهام يشوفها الرعب
بيش اوصفه وياوصف منه كرب
سيفه من اركاب عدونه شرب
__ ٥
عليه الكون عطاب
وسيفه يحسب حساب
جن ليث بوسط غاب. تخلس صولته
يرد مخضب خضاب
من دم ذيج الركاب
ويخلي الجيش شياب. برعب لو شافته
هاذا الكبر لو شهر سيفه وكرب
يصيح منه الجيش جاوين الهرب
_______ ٦
و امه تراقبه هلال
وتميل وياه لو مال
عليه مترادفه هوال وكلب همها نفطر
يربي وليدي بالحال
رده وريح البال
الكلب مربوط بحبال على بني جن خطر
هاي دمعت والده ودعوت عتب
كون سالم يرجع وليدي يرب
_________
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2721