tgoop.com/alisaioan/2746
Last Update:
علخـــد دموعــــي بلا عـــلم
صعـــبه الــزلــم تفكـــد زلـم
يــــــــــــا عبــــــــاس
____ ١
حسين من طاح الكمر كلبه نثلم ضهر نكسر
وبعيونه ماشاهد بشر بس انته انسان النضر
يالرايح شوية نتظــر هونك يخويه بهل الامر
يــــــــــــا عبــــــــاس
___ ٢
خلينة نتوادع صدك ونطــول دمــوع الخلك
ماحسبت ان نفترك ويضيع ياخوية العشك
والكلب عباس حترك وفجرك افـــل لاماشرك
يــــــــــــا عبـــــــاس
_ ٣
موردت مــــاي العيلــتك وهـــزيت يمي رايتك
وفاض البحر من غيرتك وترست ماي بجربتك
نادتـــك زينــب نــادتـــك ظلمه اليالي بفركتــك
يــــــــــــا عبــــــــاس
___ ٤
علديــن طايح والــفرض اكعــد يخـــوية ونتهض
يالشيبت روس الــــــزلم والكلوب عدوانك مرض
لوفتشت طول وعـــرض وسابع سمه وسابع ارض
يــــــــــــا عبــــــــاس
___ ٥
يالرايتك فوك النجــــم ومن سيفك تخاف الزلم
والعزم منك ياعـــــزم يتعلم وياخـــذ عـــــــلم
يالحيدر بـــكلبك هتف والو غيمـــت نار وحـمم
يــــــــــــا عبــــــــاس
__ ٦
للموت رايــح ماكـــلت ولا فـــكرت لاحــسبت
وتدريني مااصـــبر تره ساعه بغيايك لو غبت
يال حومرت وجه السمه وبجيت نجمات الوكـت
يــــــــــــا عبــــــــاس
___
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/2746