tgoop.com/alisaioan/5483
Last Update:
الليله يم گبر النبي باتت عليله
تدعي الله يعود ابوها من رحيله
تدعي يا جدي الوحه سبطك يعود الضحه
من رحيله
**. ** **
اجت والخطوات گوه تدوس تمشي على الارض
بنيه فگد الوالي هزها غصن من شجرة نفض
والبعد ياكل گلبها وزاد علتها مرض
دنگت ينم كبر جدها والدمع صلى الفرض
خدود حزني مجرحه تصبح يا جدي الوحه
من رحيله
**. ** **
ناحت ودمعة جفنها تلهب وخدها يتجوه
آه يا جدي علا روحي. البعد بلوه بأثر بلوه
شبيدي عل دنيا وغدرها تاخذ الغالين كوه
وتترك الروح بحزنها بنار وبعله تجوه
روحي جن حبه برحه تصيح يا جدي الوحه
من رحيله
**. ** **
كل مسايه غروب تطفه شمعه من روحي وحن
ونطر المصباح يطلع وستعد وعلو حزن
ها يماشي بعيد بويه بتك تقاسي المحن
صدك ماشي بلايه رده. وكربلاه بيها الوطن
واهلي بيها مذبحة تصيح يا جدي الوحه
من رحيله
**. ** **
أسأل الطير على صوتك ونشد الريح اليهب
ما جبت ريحة الوالي وبردت نار الكلب
ما جبت صورة جماله وضحكته وجه العذب
هاذا ابوي الماكو مثله والله يشهد مو جذب
حسين وصفه شََمملحه تصيح يا جدي الوحه
من رحيله
**. ** **
اسأل الدار علطولك ورجع الكبر النبي
جدي اشفع يا محمد باب الله وماربي
كون يرجع من مغيبه وشيب كلبي يرد صبي
وكون ترجع زينب النه وما تعاني من السبي
كلبي ردت تفرحه تصيح يا جدي الوحه
من رحيله
**. ** **
✍ بقلم خادم الحسين ع
علي صيوان التميمي
@alisaioan
BY الشاعر علي صيوان التميمي
Share with your friend now:
tgoop.com/alisaioan/5483