tgoop.com/alkalm313/25130
Last Update:
☘لاستشهاد السيد محمد سيع الدجيل عليه السلام ☘
لسان حال الشاعر 👉
ياسبع ياجيدوم
من الاهل محروم
❥❥ـــــــــــ❁❂❁ـــــــــــ❥❥
تعاونوا كلهم علبطل واتفقوا يغدرونه
بليله مظلمه وموحشه ياوسفه يسمونه
مصابه ابد ماينجرع بضيم والم خلونه
مابيهم العنده رحم ينتخي يغمض عيونه
نصب الدمع للدوم
من الاهل محروم
✍☘ام فراس الساعدي ☘
❥❥ـــــــــــ❁❂❁ـــــــــــ❥❥
سبع الدجيل اتراجفت اسمه يهز ارض ابساس
وكفت ابن حامي الحمه ظنوها رد العباس
ماكدرو ابكتله ابد سمّوه وسفه الارجاس
مصابه فجع ام الحسن تبجي اوتدك اعله الراس
مثل الحسن مسموم
من الاهل محروم
✍ام اسعد الشمري
❥❥ـــــــــــ❁❂❁ـــــــــــ❥❥
صاحب براهين وعلي والدنيه عرفت بيها
هذا الوكف مثل السبع وگال الدجيل احميها
صاحب مقامات وشأن والناصيه يعليها
وإلي يجيه بلهفته حاجاته اله يگضيها
دمع المحب مسجوم
من الاهل محروم
*✍🏻 أم عبــــــــــد اللـــــــــه العـــــــــابدي*
❥❥ـــــــــــ❁❂❁ـــــــــــ❥❥
سموه عدوانه ورحل واشسوه وياه البين
عاده القتل الهم صبح كله على احياء الدين
نعازي الهادي ابموتته ونهمل له دمعات العين
ونواسي امه فاطمه الزهره الزجيه ام حسين
عدوانه ويلي تحوم
من الأهل محروم
✍️ام علي المالكي
❥❥ـــــــــــ❁❂❁ـــــــــــ❥❥
صيته وصل شرق وغرب
علم وشجاعه وطيبه
حامه الخلگ من العده خلفت
اسباع النيبه
والهادي صبّح منفجع عالي عليه نحيبه
يومه صعب ماينجرع مرت علينه مصيبه
مامثل يومه يوم
من الأهل محروم
📚🖌️ ام زهراء
❥❥ـــــــــــ❁❂❁ـــــــــــ❥❥
https://www.tgoop.com/alkalm313
BY منتدى القلم الفاطمي للشعر الحسيني
Share with your friend now:
tgoop.com/alkalm313/25130