tgoop.com/alkalm313/25237
Last Update:
☘لاستشهاد الامام الهادي ع☘
النص// وزن الميمر
مستفعلن مستفعلن مستفعل
للهادي اجينه ... مجلس قرينه
مشايه ازغار اكبار
متعنيه ليك الزوار
من دم بچينه ... للهادي جينه
✿──↻✿...✿↺──✿
جينه وگعدنه سيدي يم بابك
نلعن الضدك والابد ماهابك
نعازي الامام العسكري بمصابك
متحضره جتك شيعتك واحبابك
بلفاتحه جيت انعاك
ملعون كلمن سمّاك
من دم بچينه ... للهادي جينه
✍☘ام فراس الساعدي☘
✿──↻✿...✿↺──✿
كل شيعي متحضر بلهفه ينادي
يحمل الرايه ودمعه عالخد بادي
حزنان ظل اعليك طه الهادي
والجبل ينعه والسهل والوادي
جينا بحزن وفايه
نحمل بيدينه الرايه
من دم بچينه ... للهادي جينه
الخـ✍️ــادمه ام زيد الشمري
✿──↻✿...✿↺──✿
بصحنك نشيل الرايه يامولانه
نقره المصيبه ويعتلي مبجانه
والمهدي حاضر بالعزه ويانه
تهمل عيونه وذابلات اجفانه
يالهادي يندب بسمك
ويتمنه حاضر يمك
من دم بچينه ... للهادي جينه
الخادمة زينة الگريشاوية✍️
✿──↻✿...✿↺──✿
اجينه الك ياسيدي للحضره
يمك نقيم التعزيات ونقره
نعازي بمصابك حيدره والزهره
اليحضر المجلس منها ياخذ اجره
فاطمه لجلك تنعه
تبجى بحزن منفجعه
من دم بچينه ... للهادي جينه
زهره الكناني✍️
✿──↻✿...✿↺──✿
الیجـری الدموع اعليك صافي النیه
ویــذکر حسین و عمتك المسبیه
یعنی شخص یتــفایض انسانــیه
ابیـــــوم الحشر توفـیله الزچیــه
هاذی زکــــات العینين
دمعه يصبه لحسین
من دم بچينه ... للهادي جينه
ام مهدی مجدم✍️
✿──↻✿...✿↺──✿
جينه بگلب ملهوف گبل
الرجلين
نلطم صدرنه وابدمه تبجي العين
ياهظمت امك فازعه من الصوبين
تركض عليك تصيح يبن الطيبين
يومك صعب يامسموم
خليت گلبي مالوم
من دم بچينه ... للهادي جينه
✍ام اسعد الشمري
✿──↻✿...✿↺──✿
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/alkalm313
BY منتدى القلم الفاطمي للشعر الحسيني
Share with your friend now:
tgoop.com/alkalm313/25237