tgoop.com/alldafaee/7939
Last Update:
#نزلــه
#الاكبر
محرم ١٤٤٢ هـ
يالاكبـر.. شد رسن الكحيله
يالاكبـر.. إورد بديك العيله
......................................
يبني يالاكبر علي خلهم ضحايه
هد عليهم خلي قادتهم سبايه
افرش الروس العده يبني عبايه
وأنه اعرفك يبني متهاب المنايه
يالاكبر.. همي يبني شيله
يالاكبر.. إورد بديك العيله
...................................
يا شبيه المصطفى أبرز عليهم
ولا تخلي للعده كل ذكره منهم
ابضربة منك يا علي گومك دشلهم
وارفع الرايه يروحي وذل علمهم
يالاكبر... يبني عدل الميله
يالاكبر.. إورد بديك العيله
........... ....................
خلي تفخر بيك هاشم يا علمنه
انت يا أول ضحيه من زلمنه
يبني أريدك ترفع الراس واسمنه
يبني من فيض الدمه كون اتحنه
يالاكبر.. بعد ابوك وحيله
يالاكبر... إورد بديك العيله
.....................................
عمك العباس يفخر من يشوفك
من تطيح أمن المهر لتظن يعوفك
انه والعباس نعدلهه ونروفك
احنه بالحومه نصيرلك سيوفك
يالاكبر.. اليچهبلنه ويله
يالاكبر.. إورد بديك العيله
.........................................
بكر ابن غانم برز واتغير اللون
انه وامك يا حبيبي نصبر أشلون
ندعي الله ابيا مجيبي تنتصر كون
يا سعادتنه وحنيني وحلو العيون
يالاكبر.. حطميته وخيله
يالاكبر... إورد بديك العيله
.........................................
كلمات خادمكم محمد الدلفي
هنا يتم نشر كل ما هوه جديد من الحان وقصائد ولجميع المناسبات اول باول
للتبادل
@Mallalaa_10
للإشتراك 👇👇👇👇👇👇
https://www.tgoop.com/alldafaee
BY قناة الرادود علاء الدفاعي
Share with your friend now:
tgoop.com/alldafaee/7939