tgoop.com/alldafaee/7941
Last Update:
دورتــــك بليل يالماخذ الحيل
يم النهر طايح گمر
گالولي حلوه ارسومه
گالولي طايحلچ اخــــو يــــــــــم النهر تلگينه
مايرضــى يعبرلچ سهم صد الســـــهام ابعينه
گلتلهم الگــــــــاه يا كتر گالولي سمعي اونينه
لو ما عرفتــــيه بالشكل اتعرفينه مــن چفينه
غير الگه يمناك حته الگه يسراك
ضلمه وحجر يمك عــثر
جدمي وطحت مهضومه
اتعنيتك بليـــل اهدعش والخطوه تسبگ خطوه
مشــــاني للماي الوصف عباس ويــــــنك فدوه
جيتــــــك لچن اتحيرت ماگتلي زيــــــنب گوه
من شفتك بروحي گـلت لو هوه لــــــو مو هوه
متغير اهــــواي ماتحچي وياي
ياغيرتي ياتچوتي
حاچيني مو ملچومه
عباس متطشر صــــــدگ جيت ارد اشوف اشلونك
ريحني بحچـــــــايه ولو ياراحــــة اشوف ابدونك
صــد ليه هذا اخر نـــضر يابعد عيـــــــــني عيونك
لوني انخطف ويطيحتك مـــــــــــو بس تغير لونك
مو طبعك النوم وين الله وتگوم
لمن رحت ادعي گمت
كون الله يبعد يومه
ماريد اچملنك وجـــــــع بس المن احچي حالي
مخنوگه من ذاكه الضهر من ضيعت چــم غالي
يكفيني منـــــضر حالتي لاتنـــشد اعله احوالي
هاي انه يمك مــن رحت حطو بديه احـــــبالي
وين امشي ياصوب والفرگه چــــندوب
درب اليسر رايد ستر
وخواني كلــــــــهم نومه
لو بيدي ماعـــــــوفك ابد مو گلبــي خويه العافك
صار العطش خوه وهجر ماتروى عـــيني اخلافك
اعمي عيــــــــوني لو ترد وعصرهن اعـله اشفافك
عــــــــــباس جابو ناگتي وين الكه خويه اجتافك
ياراعي الخيام وين اندل الشام
ياعازتك محتاجتك
ليل ويناغي انجومه
#شاكر الصيمري*
هنا يتم نشر كل ما هوه جديد من الحان وقصائد ولجميع المناسبات اول باول
للتبادل
@Mallalaa_10
للإشتراك 👇👇👇👇👇👇
https://www.tgoop.com/alldafaee
BY قناة الرادود علاء الدفاعي
Share with your friend now:
tgoop.com/alldafaee/7941