tgoop.com/almatysot/2069
Last Update:
▪️Алматы қаласының мамандандырылған ауданаралық әкімшілік соты Ш.-ның «Полиция Департаменті»ММ-ге қатысты міндеттер қою туралы талап арызын қарады. Сотқа талап арызбен жүгінген талап қоюшы, жауапкерден өзінің іс-әрекетімен бұзған және оның бұзылуы бюджетке 618 000 теңгенің түспеуіне және де талап қоюшыны ішкі істер органдарынан босатуға негіз болғаны туралы бұйрықты беруге міндеттеуді сұрады.
▪️Сот істі, сот талқылауына дайындау барысында Алматы қаласының мамандандырылған ауданаралық әкімшілік сотының 2022 жылғы 18 тамызындағы заңды күшіне енген шешімімен Ш.-ның «Полиция департаменті» ММ-ге қатысты 2022 жылғы 7 шілдедегі жауапты заңсыз деп тану және өтініште қойылған сұрақтарға жауап беру міндеттелуі туралы әкімшілік талап арызы қанағаттандырусыз қалдырылғаны анықталды.
▪️Талап қоюшымен бұрын қойылған талап-арыз бойынша жауапкердің талап қоюшы жіберген бұзушылықтардың қандай екендігі туралы,талап қоюшының өтінішіне жауап бермеуі негіз болды, өйткені ішкі тексерулер нәтижелерінде жіберілген бұзушылықтар туралы қорытындылар болмаған.
Сонымен қатар, сот бұрын талап қоюшының қойылған талаптарының негізсіздігі туралы уәждеріне құқықтық баға берген, сондықтан талап арыз қанағаттандырусыз қалдырылған.
▪️Сондай-ақ, Қазақстан Республикасы Жоғарғы Сотының әкімшілік істер жөніндегі сот алқасының 2023 жылғы 8 тамызындағы қаулысымен Ш.- ның ішкі істер органдарынан босатылуының мән-жайлары мен себептері Алматы қаласы №2 Алмалы аудандық сотының 2017 жылғы 25 қыркүйектегі бұрын заңды күшіне енген шешімімен белгіленгені анықталды.
▪️Осындай мән-жайлар бойынша Алматы қаласының мамандандырылған ауданаралық әкімшілік соты сол мәселе және сол негіздер бойынша, тараптар арасындағы дау бойынша шығарылған заңды күшіне енген сот шешімінің болуына байланысты талап арызды қайтаруға негіз бар деген қорытындыға келді.
BY АЛМАТЫ СОТТАРЫ
Share with your friend now:
tgoop.com/almatysot/2069