tgoop.com/almatysot/2102
Last Update:
⚜️Сот өмірінен бір күн.
Гүлсара Қапанова:
мақсатқа жетудің қуанышы.
▪️Алматы қаласының кәмелетке толмағандар істері жөніндегі мамандандырылған ауданаралық сотының сот отырысының хатшысы Гүлсара Қапанова құқық қорғау органдары мен сот жүйесі қызметкерлері және күш құрылымдары арасында ҚР Қаржы мониторингі агенттігінің Алматы қаласы бойынша Экономикалық тергеу Департаменті ұйымдастырған үстел теннисінен ашық турнирдің чемпионы атағын жеңіп алды.
🏓Жарыс «ADD» үстел теннисі орталығында дөңгелек жүйе бойынша өтті. Бұл тамаша ойын болды, Гүлсара 7 ойынның барлығында да қарсыластарын 3:0 есебімен ұтып, жеңіске жетті.
Бұл бірінші жеңісі емес, үстел теннисімен айналысқан 15 жыл кезеңінде Гүлсараға спорт шеберіне кандидаттың спорттық разряды дәрежесі, халықаралық турнирлер мен республикалық чемпионаттардың бірнеше дүркін чемпионы атанған.
▪️2021 жылы Қазақстан Республикасы Кубогының қола жүлдегері атанып, алдағы екі жылда Гүлсараға әкімшілік және құқық қорғау органдары арасындағы спартакиада ойындарында тең келер ешкім болмады, оған алтын медальдар табысталды.
▪️”Алматы қаласы бойынша Сот Әкімшілігі Департаментінің өкілі бола отырып, мен ерекше жауапкершілікті сезіндім. Команда намысын қорғауға келгенде, жекпе-жектер қызу және табанды спорттық бәсекелестік рухында өтеді. Ешкім берілгісі келмейді. Кімнің шеберлігі, физикалық төзімділігі жоғары болса, сол жеңеді. Үстел теннисі сабақтары маған ракетка мен допты ұстау қабілетінен әлдеқайда көп нәрсе үйретеді. Жүйелі түрде жаттығулар жасау арқылы сіз өзіңізді жігерлі сезінесіз. Бос уақытымда жаттығу залына барамын. Әрбір ойын интеллектуалды дуэль сияқты, ол кезде қарсыласыңыздың әрекетін болжап, өз стратегияңызды құру қажет. Ал бұл ақыл мен ойлауды, реакция жылдамдығын дамытады” - деп Гүлсара Қапанова атап өтті.
▪️Гүлсара Қапанованы жеңісімен құттықтаған сот ұжымы оған спортта, өмірде және жұмыста жаңа белестерді бағындыра беруін тілеп, оған тек табанды еңбекқор адамдар ғана қол жеткізе алатынын атап өтті. Гүлсара өзінің үлгісі арқылы айналасындағыларды мақсатқа батыл жетуге, армандар үшін күресуге шабыттандырады.
Бұл өмірге мән беріп, бізді жетістікке жетуге ынталандырады. Бұл жол қиын болуы мүмкін. Бірақ кез келген қиындықты жеңу бізді күштірек етеді...
BY АЛМАТЫ СОТТАРЫ
Share with your friend now:
tgoop.com/almatysot/2102