مثلي لا ينتظر شيئًا .. مثلي تنتظرهُ الأشياء".

وبس والله😔🤍!

لما تعيش في سلام داخلي وميهمكش ومتسعاش غير ل رضى ربِ وانك تكون شخص احسن من اي وقت فات ، هنا بس حتكون شخص ناجح ، هادئ ، مُسالم ، ومريح !

عشان هكِي اغلب اللي عرفوا قيمة الحاجات هادوا بطلنا نسعوا ورا اي شي يقلل قيمتنا او يحطنا في وسط توتر وزعل ومشاعر سلبية ملهاش اي لزمـة ، ولو تبعد عليهم خطوتين مش حتقرب منهم ثاني عشان عارف النتيجة وغيرت الوجهة 🤍

اني ك انسانه عارفه قيمة نفسها وصنـع نفسها وعيلتها والحدود ل حاطتهم ليا ،

مش حنقبل ولا حنقعد في مكان ميشبهنيش ، مش حنجاملك لو عرفتك متستاهلش
ومش حنقيمها بيك لو عرفت قدرك تحتاني واللي يكبر بيك تستصغره ،

عشان هكِ اي حد حسيتوا معاه ب مشاعر اخي !
بدون اي سابق انذار تجنبوه
وتجنبوا الأذيه والافعال الشينه عشان سلامت قلبك وعقلك 🤍..

يارب استودعتك قلوب صاحباتي كلهم ، اجبرهم واعطيهم ما يتمنوا لانهم يستاهلوا كل خيرات الدنيا

ابعد على قلوبهن الزعل والضيقة وفواجع الاقدار يارب .. 💙

بعنوان " الرجوع "

رديت نكتب ، لأن قلمي اقرب لقلبي من يديا

رديت نمشي لأن الحياة ماوقفتش بعد كُل الاشياء الي قلت حتوقف بدونها ..
ورديت نحلم ، بعد كُل مرة قلت فيها أنها بعيدة ووصلت
وبعد كل مرة تشوشت الصورة وماشفتش شيء
وبعد كل الليالي الي فاتت تفكير في ايامات الزهي ! امتى بتحضر ؟ و توا في حضرتها ودموع أمس في خبر كان ..

رديت نحس ! كنت نحسابني نسيت كيف نعبّر ، بس طلع شعور اكبر من أنه يتعبّر
رديت نشوف للدنيا وردي ، لأني متأكدة أن في مكان ما في هالأرض مكاني ووجهتي الحنونة
الي حتشيل هالقلب بكل مافيه

رديت نحب روحي ، ونستمتع برحلتي في اكتشافها لأنه اكثر حد تهمه سعادتي ، هوا اني ..

و رديت أني ! بعد سنين التخبط والتعب.. ومافيش اجمل من انك تلقى وجهتك ، وطريقتك ..
وانك تعيش الحياة ! بدال ما تكون فقط حي 💙

قبل انتهاء التاريخ الحلو
24/11/2024

في لحظة ما ، كانت شخصيتي تحب الارقام المرتبة ، الايام الي تمشي محسوبة بالملِي
والمواعيد الصح و الحركات المضبوطة والخطط المرسومة رسم ! وننفر من العشوائية بكل أنواعها .. كنت نحسابني إنسانة روتينية ، نمطية ، وعندها واحد زائد واحد يساوي اثنين .

لحد ما تغيرت الخطط ، وتبدلت الادوار ، وانقلبت الموازين .. ولقيتني نحب التواريخ الي ضمت الايام الي شفتك فيها بغض النظر عن عددها، بس شعورها يطغى على كل اللقاءات الي بلا معنى ، ويعوض على كل الوقت الي فات واني في المكان الغلط من غيرك ..
لقيتني نحب الساعات الي تفوت من غير حساب ولا نهتم بشن وراي أو من يبيني لأنه مش مهم بقدر وجودك (هني ) على قولتك .. ولحظات الودّ الي نبيع الدنيا ونشريها معاك

لقيتني سعيدة طول ما السعادة ملازمتك ، لقيتني جنبك ، نتعلم منك ونفتح في عيوني على طرق جديدة في هالعُمر ، بفضلك

ولقيت اللحظات الي عشتها معاك كلها كانت مش متخططلها وولت فجأة وبدون سابق إنذار أحلى لحظات حياتي ولا عمري حسبتلها حساب .. ولا شلت هم الافكار والدنيا طول ما مكاني جنب مكانك وقلبي يعرف وجهته ديما انت ..

مش ديما أجمل نعم حياتنا احني نختاروها ، او نخططوا نعيشوها
مرات بصدفة زي صُدفتي من 4 سنين ، تلقوا كل لحظاتكم الحلوة مرتبطة بشخص واحد

وتعرفوا تعيشوا في غِنى عن الحياة كلها
مع إنسان

و تلقوا غموض ووضوح / عقلانية و خيال / كُبر وطفولةكلها في نفس اللحظة
مع إنسان ..

مرات صُدفة تولي أعمق ذكرى في القلب ، والسبب إنسان 💙

لـ م ُ .

فقيدتي مع الله ، والله خير وابقى

اللهم ارحم جدتي بقدر ما فاض قلبي شوقاً لها ..🤍

💙🫂.

أجمل ختام لنوڤمبر ! يا مرحباً بزخات المطر على الروح قبل الارض 💙💙

من حياء المؤمن أنه لا يحرج أحدًا، لا يخجله، لا يضعه في زاوية ضيقة!

ربنا يا أرحم الراحمين ويا أكرم الاكرمين يا من سجدت لقبلته الجباه ويا من سبّحت بحمده الأفواه أن تشفي مريضنا وتُعافي مُبتلانا
ياربّ يا ملاذي أعنّي واربط على قلبي ..

‏شيء ما في قصتك موجع
لم يكن شيئاً قلته
إنّما هو ذلك الجانب الذي تبدو
عليك المكابدة وأنت تُحاول اخفاءه ..

مرات تمر عليك شوية ايام ، تكبرك هلبا سنين

وهي برضوا من النوع اللي كل ما تغوص فيها يعجبك العمق وتكمل تكتشف حاجة احلى من الثانيه ، وبرضوا لما تجرب قربها وعشرتها صعب عليك تنسى وتمر من بين الوجوه مرور العابرين ،
لأنها هكي بالفطره ، بدون مجهود ، وتصنع
ومليهاش شبيه حتى !

كل شي فيها ومعاها حيكون حقيقي ، للحد اللي يخليك كل ما تعرفها اكثر حتحبها🤍.

الا ما تمُر عليك أيام ..
ترفع الغطاء على عيونك وتعاود ترتيب أولوياتك ، ناسك ، ومواقفك وردات فعلك تجاه الآخرين ونفسك .

ضمّونا في دعواتكم 🌧️..

✨🤍.