tgoop.com/almosoy2/4621
Last Update:
مولد الامام الحسن ع
نورت دنيانه. بالحسن فرحانه
غردت كل الطيور الليله
والفرح عم المدينه الليله
نورت دنيانه
نورت دنيانه
اليوم فرحانه الارض واسماها
مبتشر هليوم جده طه
الزهره ولدت بوالحسن حياها
بالحسن فرحانه
نورت دنيانه
ام زينب السعداوي /ناصريه
***
منولد هاليوم ابنك حيدره
بالكرم حاتم يرد يرجع وره
اشجاب ميزان الثريه عالثره
عللو صفكه اويانه
نورت دنيانه
ام حسين العسكري ناصريه
*
بمولده الحور بسماها تباشرن
والقمر وي النجوم اتنورن
بلكرم معروف چفك يالحسن
بمولدك مولانه
نورت دنيانه
✍🏻 الحجيه ام علي
***
بالكرم معروف چفك يالحبيب
والأجالك معتني لامايخيب
انت باب الله وأمن يجيب
يالعلت بنيانه
نورت دنيانه
اليوم فرحانه الارض
وسماها
ام حسين المحمداويه
****
جينه فرحانين كلنا الفاطمه
انهني بالمولود راعي الغانمه
نوره شعشع بالأرض طك بالسمه
بالفرح خلانه
نورت دنيانه
*_الشاعـرة ام مهـدي العيـداني_*
❥ـــــــــــــ❁📝 ❁ـــــــــــــ❥
نطلب بجاه الكريم المجتبى
يغفرلنه كل ذنبنه يوهبى
ويرضى ردنه اوردنه حسن العاقبى
بصگه يتلگانه
نورت دنيانه
✍🏻العلوية أم منتظر جمال الدين
................
تمت بحمد الله وتوفيقه باقلام شاعرات اهل البيت عليهم السلام في الملتقى الحسيني تحت اشراف الشاعره الحاجه ام حسين العسكري ناصريه يحرم الحذف والتلاعب ونسالكم الفاتحه الى ارواح امواتنا وامواتكم جميعا
https://www.tgoop.com/almosoy2
BY جمرات الطفوف
Share with your friend now:
tgoop.com/almosoy2/4621