tgoop.com/almusavi/6666
Last Update:
#هــــوســـات_عـــبــاســیه ؛؛؛
هوسات تَسَلسُل و خطاب السیده
زینب مع اخیها ابالفضل العباس ع ....
🔘🔘🔘🔘🔘
اِتنـخـت ابعـبـاس زینـب گلـهـه یخـتـی اتـدللی.
الـمـای تردیـنـه یخـویـه و هَلــطلب یِسهـل الـی
افـدی روحی و کل وجودی و انه ابن حـیدر علی
(( عِــد عــینچ یُوصل للخـیمه ))
ک. سیدمحمد الموسوی
۞۞۞ ۞۞۞
اتـنخـت ابـعـبـاس زینـب و الـنـعـم راعـی الـوا
گلـهـه یا زینب دِطِلبی و چَفـی بلحـومـه اِحـتـوا
انـه عـبـاسـچ یخـویه و خشـمی لـیـشم الــهَــوَا..
(( ما یــدنه الــعایل للـخـــیمه ))
ک. سیدمحمد الموسوی
۞۞۞ ۞۞۞
یوصـل الـمـای الخیـمکـم و اَگـلُب الحـُومـه گـَلَُب
ابـعـزم الله الـمای اجیبه و ماکـو ضل أَمر الصـَعُـب
لو ألـف جـِربه أِعله مَـتنی اتعاود ابمای الشـُرب
(( مــازامــط کلـکم تـــــدرونی ))
ک. سیدمحمد الموسوی
۞۞۞ ۞۞۞
مـا ازامـط بل حـقـیقـه و انـه حـَد گُـولُ و فِـعل
انـه عـبـاس الـعـِرَفـنی اِشحـده لحدودی یِصِـل..
بس تضل اچفـوفی عـندی اروی چم طفله و طفل
(( و اَثـبِت للــعایل صــولاتـی ))
ک. سیدمحمد الموسوی
۞۞۞ ۞۞۞
ثَـبّـتّـت للـعــایـل انـه صـولــه عـنــدی ابمــفـخــره
و الی مـا یعـرفـنی صدگ صـاح عـاود حـیـدره.
هـَلـهـِلی یا زینـب اخــتی اِتمـَلکـِتـهـه الگـنـطـره .
(( ابچفــینی اتــرف عــندی الرایه ))
ک. سیدمحمد الموسوی
۞۞۞ ۞۞۞
ابچـفی اتـرفـرف الرایه و ادعی تسـلم هـَلچِـفُوف
خویه افـنـیـهه العـساچر تـشهـد ابحگی الـطـفوف
الـیوم صـولات الـبـطوله اتـعاود و کلمـن یشـوف
(( یحــتار و صــافن بـعــیـونه ))
ک. ســیدمحمد الموسوی
۞۞۞ ۞۞۞
صـافـن و ینـظر ابـعـیـنـه الما عـِرف درب المــَفَـر
هــاذ سـیفی و هاذه فِـعـله أِبـیـنـهم شاع الخــبــر
عَـهــد یا زینب أَخـبــرچ راح أَجــِر مــای الـنـهــر
(( یم باب الخیــمه و تلگــینی ))
ک. سیدمحمد الموسوی
۞۞۞ ۞۞۞
خـویه تلگــینی اعـلـه بابـچ راجع و بـیدی الـعـَلَـم
ما تهـمـنی سـیوف خصـمی ولا رمـاح و لاسَــهــَم
جایب المای اعله چتفی و ترتوی اطفال الخــیـم
(( لحـســین الــعــِز ناذر روحـی ))
ک. سیدمحمد الموسوی
محرم الحرام 1442
۞۞۞ ۞۞۞
https://www.tgoop.com/almusavi
BY الشاعرسیدمحمدالموسوی الغریفی
Share with your friend now:
tgoop.com/almusavi/6666