tgoop.com/alrkaby990/12025
Last Update:
نزله لام البنين ع
ها يا اولاد ... بيدكم رف العلم
طيحو ارماد... كبل لتطيح الخيم
*
صاحت بصوت الولدها ها يتعب اسنيني
لا تردون بسلامه بيش اكرن عيني
رد ابو فاضل عليها علنهر تلكيني
نذر فدوه انروح كلنه لضحكه من حسيني
هاي العيون...خل تعزب للسهم
طيحو ارماد ..كبل لتطيح الخيم
باجر تلاكيني فاطم شرد اكلها ابهايه
لون من اولادي محد شال بيده الرايه
تصعب اعليه بوكتها لو سمعت احجايه
جا المن ام البنين والمن مسمايه
من تروحون...لا تعيشوني بندم
طيحو ارماد...كبل لتطيح الخيم
لا تردون اربعتكم بس يرد الغالي
فدوه لتراب اليدوسه غيره مايحلالي
افرح واضحك واهلهل من يجيني ابالي
شحال من يرجعلي سالم واحضنه ويدنالي
تكطعو هناك ... خل يرد ليه الشهم
طيحو ارماد ...كبل لتطيح الخيم
اربعدكم فدوه روحو وما اتردد بيها
التنطي واحد قربه لله الله ليعليها
ردو اعليها النشامه الرايه بس عكديها
الروح ما ننطيها لاحد بس اله ننطيها
يمه عباس ...اوكف وطيح زلم
وطيحو ارماد... كبل لتطيح الخيم
*
من مشو وابعد ضعنهم ماتبين ناكه
المغربيه الدار وحشه بيش اعوض افراكه
امنيتي اعرف اشلون حاله حيل اله مشتاكه
مربيه ولدي عله خدامه وهمه من عشاكه
كلت طيعوه... شيحجي كلوله نعم
طيحو ارماد ...كبل لتطيح الخيم
*
راح اكللكم ابشاره جتني هاي اخبارهم
عون متلكي السهام بصدره من كفارهم
جعفر وعبد الله صارو روس فوك ارماحهم
وكمر ذل ماي الشريعه بجربته اتعناهم
الماصار سووه...لجن دلالي انلجم
طيحو ارماد ... كبل لتطيح الخيم
*
زيد عدنان الزيدي
BY نشر القصائد مع الالحان
Share with your friend now:
tgoop.com/alrkaby990/12025