tgoop.com/alrkaby990/13256
Last Update:
#قصائد_محرم_1441
ــــــــــــــــــــــــــــــــــــــــــــــــــــــــ
فاركو عيني الاحباب واني ما احمل غياب
عيني ضلت عله الباب
عيني ضلت عله الباب
***************************
راحو الجنت انه اتنفس هواهم
والله ياخلك الله مااحمل جفاهم
روحي جانت طيرة وتطير بسماهم
هسه مكسورة جنح ضلت وراهم
___
دنيتي تقسي وتدور
وتاخذ الاربع بدور
الهه ماحاسبه حساب
عيني ضلت عله الباب
******************
فاركتهم والهوه جن شح عليه
ابدربهم جن مشت روحي سبيه
اليمي جانو كل صباح وكل مسيه
ريت من راحو خذت روحي المنيه
-----------
راحو وصحت انه الويل
بيه ماضل بعد حيل
والكلب كمت احس ذاب
عيني ضلت عله الباب
***************************
اولادي جانو اربعة وقرة عيوني
جن احس العيد اجه لمن يجوني
فاركت روحي الفرح من فاركوني
راحو وهد الدمع جرح جفوني
_________
ياهو عايش هالاحساس
يوجعه شم الانفاس
من ونيننه الحجر ذاب
عيني ضلت عله الباب
***************************
مو حسافه يوم راحو فدوة لحسين
وبدماهم افتخر ضل شامخ الدين
لاجن لشوفة صورهم حنت العين
لشوكت انه انتظرهم والصبر وين
___
راحو من ايدي شبساع
واني مني الصبر ضاع
كلبي مثل الشمع ذاب
عيني ضلت عله الباب
******************
احمد الله اعله الجره والصار ليه
فدوة اولاي اعله حب ابن الزجيه
الله انطاني بفضلهم هل العطيه
قبلة خلاني اكضي حاجات البريه
____
بزودهم عالية الشأن
للكرامة انه عنوان
ماكصدني احد وخاب
عيني ضلت عله الباب
******************
للشاعر حسين المحامي
BY نشر القصائد مع الالحان
Share with your friend now:
tgoop.com/alrkaby990/13256