tgoop.com/alrkaby990/14681
Last Update:
#قصائد_ام_البنين
🖤الســلام علـﮯ مدرسة الوفاء ام البنين 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
مكتوب = ترحل وابقه أتاني
مكتوب = يفرقنه زماني
مكتوب = ماننجمع ثاني
ـــــــــــــــــــــــــــــــــ
ماترد لرض المدينــــه ماتشوفك العين
كلبي حس من ودعتني ياوليدي يحسين
لآن كلما تمــشي خطوه ترجع خطوتين
تلتفت صوبي وتنــادي موبيدي تدرين
يمه = يـمه مــــن تكلي
يمه = اكولن ياهي مثلي
يمه = ماتت ألاماني
مكتوب = ماننجمع ثاني
ـــــــــــــــــــــــــــــ
أدري درب ألي مشــيته مايـــردك أدري
وجهت وجهي اعله دربك سلمتلك أمري
جنت أظن لورحت مني ينفعني صبري
هاي أول لـــــيله يمه ودموعي تجري
بعدك = كل الدنيا ظلمه
بُعدك = شيـحمله ييمه
بعدك = دهري ولاني
مكتوب = ماننجمع ثاني
ـــــــــــــــــــــــــــــــــ
كلشـــي بغيـــــابك ييمــه راح وتـَــبدل
حته وجه الشــــمس ذابل مومثل ألاول
صحت بس بعيوني ظلمه لوكلهه أسئل
حرت من يوم العفتني ليش عنه ترحل
بعيني = هالعــــــالم تغير
بعيني = كلشي لونه احمر
بعيني = انظرلك تعاني
مكتوب = ماننجمع ثاني
ــــــــــــــــــــــــــــ
لون أم انه وشـــعوري يختلف بالأحساس
هذا موأحساسي وحدي مثلي كلهه هالناس
حته كلـبي هاليكلي عالشـــريعـــــه عباس
طايــح وظليت وحدك يبني بين ألارجاس
يعلم = وحدك بين عدوان
يعلم = كلبي انته عطشان
يعلم = لان يابس لساني
مكتوب = ماننجمع ثاني
ــــــــــــــــــــــــــــــــ
احساسي يايــمه يكلي حاطتـَــك الكوم
لان ويه كل جـرح بيك انجرح يمظلوم
انه أم وبيك أحسن من تنـــزف أدموم
بكربله عطشان بنيي بيك احسن اليوم
وزينب = اسمع صوت زينب
وزينب = وسط الخيمه تنحب
وزينب = السباهه هم سباني
مكتوب = ماننجمع ثاني
ــــــــــــــــــــــــــــــــ
جبار البطاط
BY نشر القصائد مع الالحان
Share with your friend now:
tgoop.com/alrkaby990/14681