tgoop.com/alrkaby990/14926
Last Update:
لو ادري هيج ايصير تكصد للاكوان
ربيت الك يحسين عشره من الأخوان
كلمن ابحبك ارضعه @أشعر قليله الأربعه
@@@@@@@
من كبل لاتبتعد عن عيني يمه
تحفر ابدلالي ظلت يبني كلمه
يعدل الواحد بخوتك الف زلمه
انذرتهم يبني دونك بالملمه
كل هذا روحي اتكول اتمنه كثره
عندي ولد وافديك يوليدي عشره
كلمن الحيدر مرجعه@@أشعر قليله الأربعه
@@@@@
مو قصورن بيهم اعلم يبو الاكبر
من عزمهم ردت منهم الك اكثر
جنت اتمنه ولد من شبه جعفر
خمسه اسويلك مثل عباس الازهر
يغدي المثل عباس بالحومه سته
كلهم اكلهم كون يفدونك انته
والخطر عنك ادفعه@أشعر قليله الأربعه
@@@
ياحسين اباسمك اقسم ياحبيبي
كبل لاترحل ردت يحصل مغيبي
يمه لو ادري الوفه كله ابنصيبي
جبت كثره اخوان وارويهم حليبي
ورويهم ابطرواك وي كل دقيقه
وادري الحروف البيك كلش رقيقه
وبكل فكرهم اطبعه@@اشعر قليله الاربعه
@@@@
لني ابصوتك يكلي يمه كافي
بطلي من اللوم من مثلج يوافي؟
اربعه اخواني عساكر لليجافي
هو لو عباس وحده يكون كافي
حيدر علي الكرار ورث يمينه
والربته عللطيب امه الحنينه
جاوبته وانه ملوعه @@اشعر قليله الاربعه
@@@
الغيره بخواني اندبت لا مو قليله
بعبره ناداني وصدح صوت العقيله
بيهم ابيوم العسر راسي اشيله
مآمنه واجفوف الكمر خدري كفيله
روحي قريرة عين يايمه نامي
دام ابنج العباس يحرس خيامي
والجفن سال ابمدمعه@@اشعر قليله الاربعه
لحضه والعباس لنه يرد عليه
يمه سعيج يشكره رب البريه
راح اكر عينج براضي الغاضريه
واصنع الماتصنعه مو عشره ميه
تثبتلج الايام يايمه بابنج
يتخلد اسمه بهاي يتخلد اسمج
ماريد منج اسمعه @@@اشعر قليله الاربعه
مازن الشطري
BY نشر القصائد مع الالحان
Share with your friend now:
tgoop.com/alrkaby990/14926