tgoop.com/alrkaby990/8737
Last Update:
ــــــــــــــــــــــــــــــــــــــــــــــــــــــــ
راحت وياك الهله
البيت بعدك ما حله
كلبي حن بهالمسيه
حسين يمه رد اليه
البيت بعدك ما حله
ابذكرياتي جنت أمرن واوگف ابدار الاحـبهم
ورد جنه بيهه اشتم يفوح من هبـت عطـرهم
وأسمع حجاية محنه يگولهه حسين ابوسطهم
ياهلا بأم البنين هله ابأمي احسين گلهم
بروحي كون افديك
و گلبي ما ناسيك
كلبي حن بهالمسيه
حسين يمه رد اليه
البيت بعدك ما حله
لهسه دارك يمه ظلمه تنوح لو مريت بيهه
ابسمك يردد صداهه وانه أون يمه لحجيهه
تگول هاي الگهوة فاحت مايرد احسين ليهه
نسد بيبان المضيف لو يرد لهه و يجيهه
وتبجي عليك بآلم
وينك يابو الكرم
كلبي حن بهالمسيه
حسين يمه رد اليه
البيت بعدك ما حله
حسين گلي ياحبيبي و يمه هم ترجع بعد
جفي ماطش ماي بعـدك يمه طشـيت الولد
وگتله ياعباس احلفك روح تنــطي مو زند
ابني املـگ الجيـوش أذبح انـت اكبر عـدد
امرد الجيش مرد
وخلي الحسين يرد
كلبي حن بهالمسيه
حسين يمه رد اليه
البيت بعدك ما حله
يمه رد بس انت سالم عوف ولدي الاربعة
وحته لاتدفن جثثهم خلهه كلهه امطرحه
وعوف عباس الكفيل عوفه اعله المشرعة
وطلبه وحده يمه اليه ترد خيلك مسرعه
يمه بس هالطلبه اليه
عوف ارض الغاضريه
كلبي حن بهالمسيه
حسين يمه رد اليه
البيت بعدك ما حله
والله من ترد اليه روحي اطشنهه عليك
وأنحني يِّمه علجدمك بعد ماقبل اديك
وارگض الكبر الزجيه انه اطمئنهه عليك
وما,احسب ولدي ماتوا هالولد الگاهه بيك
الولد تفداك الولد
كون بس انت ترد
كلبي حن بهالمسيه
حسين يمه رد اليه
البيت بعدك ما حله
خادم الزهراء ع/ ابو احمد الطائي
BY نشر القصائد مع الالحان
Share with your friend now:
tgoop.com/alrkaby990/8737