مـدونة كوت عبــدالله

Forwarded from القصيده الكامله

........... بعد النعاس ..........
ليليّه النعاس يمد جسر عالماي ،
وتخضّر جروفي وجوه .
تعبرلي أصابع تنبش بعيني .........
نبــع وفياي
ليليّه الوجوه ............
يجيبها آلمدري شني بروحي .
تحط وسادة الزيبك بمرجوحه .
تهز بيّه ، تهز .........
والروح صفنة ماي
وآتنفس رذاذ الطين ،
أبوس عيون طيف الماي .
أكَلّه آدخيل آصابيعك ، ولك بهداي ،
وك ياطيف ،.......
يمعوّد ، خبطت الماي ،
يمعوّد ، خبطت الماي .
وك ياطيف المصبرين ، وك بهداي .
يل عابر عليّ بظهر موجه وناي ،
بارد مثل كَلب آصباي .
وك بهداي وي حزني ، ولك بهداي .
دخيلك ، لا تبلّلني بنداوة عيد .
أنا حزني عطور العيد .
مر يا طيف ناشف ، لا تجي مبلّل ،
لا تحجي حجي مبلّل ،
لترشني ندى ، خاف الحزن يزعل .
عود ترشني مايك والحزن يبرد ؟
لا يابوي ،
البارد ما يفيد آوياي ،
تزاني حزني مدلّل ،
أنا مجنون حزني ويشتعل بالماي



عبدالكريم قصاب

www.tgoop.com/alshoara/12221

2.2K viewsعلي محسن, Aug 20, 2023 at 10:29

........... بعد النعاس ..........
ليليّه النعاس يمد جسر عالماي ،
وتخضّر جروفي وجوه .
تعبرلي أصابع تنبش بعيني .........
نبــع وفياي
ليليّه الوجوه ............
يجيبها آلمدري شني بروحي .
تحط وسادة الزيبك بمرجوحه .
تهز بيّه ، تهز .........
والروح صفنة ماي
وآتنفس رذاذ الطين ،
أبوس عيون طيف الماي .
أكَلّه آدخيل آصابيعك ، ولك بهداي ،
وك ياطيف ،.......
يمعوّد ، خبطت الماي ،
يمعوّد ، خبطت الماي .
وك ياطيف المصبرين ، وك بهداي .
يل عابر عليّ بظهر موجه وناي ،
بارد مثل كَلب آصباي .
وك بهداي وي حزني ، ولك بهداي .
دخيلك ، لا تبلّلني بنداوة عيد .
أنا حزني عطور العيد .
مر يا طيف ناشف ، لا تجي مبلّل ،
لا تحجي حجي مبلّل ،
لترشني ندى ، خاف الحزن يزعل .
عود ترشني مايك والحزن يبرد ؟
لا يابوي ،
البارد ما يفيد آوياي ،
تزاني حزني مدلّل ،
أنا مجنون حزني ويشتعل بالماي



عبدالكريم قصاب

BY مـدونة كوت عبــدالله