tgoop.com/alshoara1/163220
Last Update:
ياهاجسي جرعة من الوقت / تكفيك
لـمـلـم شــتـاتـك وانــتـفـض مـن غبارك
لــــو جــــارت ايـامــك وجـارت لياليك
الــصــبـر فالــشــدة يــصـحـح مسارك
لاتـشـتـكـي لـلـنـاس مــن جــور مافيك
الـــنــاس فالــغـالـب تـحــب إنكسارك
شـــكــوىٰ لــغــيـر الله تــنــزل مـعاليك
والـــعــز فـــي نــفـسـك يـــرد إعتبارك
ارفـع مـقـامـك قـدر فـي عـيـن مغليك
واتــجـاهــل الــجـاهـل بــقــلـة هدارك
لاتـفـتكر مــن شـاف جـرحـك يداويك
مــــــا لـلــجــروح إلا بـــلاســم عقارك
انـقش حفاتك واخرج الشوك بـ ايديك
مــهـمـا تــعـثـرت اسـتـنـد مـن جدارك
مـاكـل مـن تـعـطـي لـه الـحُّب يعطيك
فــي بــاديـات الــوقــت يـدعـم قرارك
وقـــســـوة ايـــامـك تــبــيِّــن معاديك
والـصـمت عـند الـنـاس يعـلي مقدارك
خَـل الـحـسد والـغـيض يقـتل شوانيك
لـــمَّـــا تـــكــلــل بــالــنــجـاح إختبارك
و اوقـف عـلـىٰ اقدامك وسدد مراميك
مـاعـاش مـن يـفـسـد عـلـيك إنتصارك
خُـــذ الــعِـبَـر مــــن الــدول والـمماليك
واخــمـد حرايـــق نارهــا مـــن شرارك
لا تــعــتـبـرهـا بــالــلـحـىٰ والمسـاويك
وافــكـار قـد تـفرض عـلـيـك إنحسارك
كـم نــاس تـتقاتل عـلـىٰ بـيـضة الديك
وانــته عـلـىٰ مـاضـي تـطـيـل إنتظارك
مــالـك ومـا لاحـــداث مــرت بماضيك
امس انـتـهـىٰ عـش مـابـقي مـن نهارك
واتـــرك زمـان الـبـرمـكـي والـبرامـيك
واسـلك قـنـاعـاتـك بـحـسـب إخـتيارك
#
BY قناة الشعراء 💎
Share with your friend now:
tgoop.com/alshoara1/163220