tgoop.com/alshuhadaaltafu70/2489
Last Update:
نعي يوم العاشر من المحرم عند ما خرجت زينب نضرت الحسين وعلى صدره الشمر يحز في المنحر
تگله
يا شمر بالله اعليك خله
خله يبطل حسين ونه
اتكتر وروح ابعيد عنه
عدي حچي وعدي اله أعتاب
اگله نروح احنه ويه الاجناب
وتدري الگمر فوگ النهر غاب
ريض اريد اسمع اعتابه
ماينحمل يصعب اغيابه
حنين يالبيه الاهيابه
عوف الولي وخليني احاجيه
اگله الجرح وين الاماذيه
ومن دمع عيني انه اداويه
اداوي الحنين البيه امروه
وأخبره بعد خلصت الاخوه
بلاني عليه الدهر بلوه
ريض ولاتذبح ولينه
ماگاطع الوالي ابونينه
صوب الخيام ايدير عينه
شفت الولي والشمر يمه
غرگان اخيي ابفيض دمه
تعنيت اله واركض ابهمه
گتله عله هونك عوف اخيي
خال الولد بيه رحت أمي
والله جرع ياناس كلبي
عن الولي بالله اتكتر
ولا تحز رأسه ولا المنحر
أشوفه لعد الخيم ينضر
جواب الحسين لزينب
يزينب يخويه لا تجيني
ازودين يالحره ونيني
اوصيح ياخويه ابحريمي
ارجعي يابت امي الحزينه
وحز منحري لا تشاهدينه
ماكو رحم خويه علينه
جواب زينب للحسين
تكله
صعبه عله الشافت اخوهه
وجدام عينه يضربوهه
جاوين كافلهه ابن ابوهه
حشمت زينب ما اجوهه
يضربونهه زينب الحره
واخوانهه سكنو الغبره
حسين انكتل مذبوح نحره
ياشمر بالله اعليك تاني
خليلنه الوالي ثواني
والله ابونينه موتاني
يون وعليه ايدير عينه
ماحسبت بل صار بينه
يروح الاخو من بين ادينه
ماحسبت بل صار بيه
يذبحون والينه الشفيه
وايدير بعيونه عليه
عطشان ما شارب أمية
لخادمه الحسين العلوية ام جعفر
https://www.tgoop.com/alshuhadaaltafu70
🔴رابط قناة الشاعرة👇👇
9 محرمhttps://www.tgoop.com/am_jafar
BY قناة رثاء شاعرات في رحاب الحسين ع
Share with your friend now:
tgoop.com/alshuhadaaltafu70/2489