tgoop.com/alshuhadaaltafu70/3340
Last Update:
ضيعونه ضيعونه
احبابنه الچنه نودهم ضيعونه
واحنه مانحمل بعدهم ضيعونه
,,,,,,,,,,,,,,,,,,,,,,,,,,,,, 1
مااضل ابداركم يعمن عيوني
والله اموت بحسرتي لومايجوني
اليوم اريد احباب گلبي الدللوني
يازماني هم تردهم ضيعونه
،،،،،،،،،،،،،،،،،،،،،،،،،، 2
اه ياذيچ الايام الضيعتهه
راحت اويه اهل المحنه وما شفتهه
وجوهكم عنت عليه وعاتبتهه
ارخصونه امدلله چنت انه عدهم ضيعونه
،،،،،،،،،،،،،،،،،،،،،،،،،،،،،، 3
سيرينه اليوم وين اهل المحنه
شافت عيوني المچان البيه گعدنه
صرخت يادار شالوا وين اهلنه
مرمرونه بلمذله من بعدهم ضيعونه
،،،،،،،،،،،،،،،،،،،،،،،،،،،،،، 4
الدارهم طبيت والدمعات اهلهه
اتذكرتهم حنت الروح اعله اهلهه
ناشدتني عن هلي عنهم شكلهه
ذكرونه بزهللتهم وبسعدهم ضيعونه
،،،،،،،،،،،،،،،،،،،،،،،،،،،،،، 5
بيش اصبر الروح لو عنو عليهه
شلگه بديار الاهل لمن اجيهه
الدار حزنانه وتون شايل وليهه
فاركونه راحو النگعد بسدهم ضيعونه
،،،،،،،،،،،،،،،،،،،،6
چنه لو جينه ايتلگونه بهلاوين
هسه محد يدري بينه وين ماوين
بناتكم عفتوها بالذله يطيبين
هم تجونه لو مشيتو وهاذ حدكم ضيعونه
〰〰〰〰〰〰〰〰
تمت خادمة اهل البيت
ام محمد العبادي ..ونسالكم الدعاء
◾️◾️◾️◾️◾️◾️◾️◾️◾️◾️◾️◾️
https://www.tgoop.com/alshuhadaaltafu70
BY قناة رثاء شاعرات في رحاب الحسين ع
Share with your friend now:
tgoop.com/alshuhadaaltafu70/3340