tgoop.com/alshuhadaaltafu70/3344
Last Update:
مقطوعه موعضه حول الدنيا
الدنيه هاي ما تثبت ولا دوم
وشكد مانضل بيهه مرحلين
بس جلمة الحلوه تضل تذكار
وجلمه الرديه اتضل نياشين
بالك لا تغرك تكضي وابساع
وهم عاشو كبل عينك صلاطين
شوف العاشروك وكضو وياك
عمر جاهسه كلي وين صافين
نامو بالكبور وسكنو الحود
وبس تذكارهم ظل الحجي الزين
يخايب لا تروح ابعيد يفلان
ويجي يومك وهم تغمض العين
عينك لاتروح ابعيد بطران
يبن ادم تراهي الدنيه ايام
لازم تندفن وتموت فد يوم
والكبلك سكنهه ليش مادام
تره الدنيه سوالف عبره ونروح
ونلكه اعمالنه مكتوبه جدام
عينك لا تغرك بيهه لذات
كلهه اتروح منك مثل الاحلام
خل الله ابعينك واحجي معروف
ولا تتكبر انته وشفت ظلام
كبلك وين ذيج الطغت فد يوم
كل واحد المنهم بل لحد نام
*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له
◾️◾️◾️◾️◾️◾️◾️◾️◾️◾️◾️◾️
https://www.tgoop.com/alshuhadaaltafu70
🔴 قناة الشاعرة👇
https://www.tgoop.com/am_jafar
BY قناة رثاء شاعرات في رحاب الحسين ع
Share with your friend now:
tgoop.com/alshuhadaaltafu70/3344