tgoop.com/altfof/754
Last Update:
أنظر دمعي ///// وشرح وظعي ///// واسمع حسراتي
غير الفرگة ///// بيه شتلگة ///// يل ذاتك ذاتي دمعه بجفن /// حزن طويل
يحمل صعب /// گلب عليل
@@@@@@@
أنته قاضي وانه جيتك أنضر الليله بقضيتي
بيت ما بيه أبو الأكبر هذه ما حسبه بيتي
ثانين حضرت القاضي مرضي ميسبب منيتي
أطيب من هل اللحضه أوعدك أنته بس قرر مشيتي
اليبقه الوحده ///// ودمعه أبخده ///// ما تگضي أحزانه
بسفرت باجر ///// أجبر خاطر ///// وگلي أمشي اويانه
الاكبر علي /// ألي كفيل
يحمل صعب /// گلب عليل
@@@@@@@
أنته ما تحتاج شاهد علمك من الباري أدري
حسرت افراگك شهودي ومدمعي التشوفه يجري
هذه مو بيتي بغيتبك حفره ظلمه واسمه گبري
بس تسافر راح تسمع ماتت الگتلهه أصبري
اخر نظره ///// وبجهك اقره ///// يل تارك بيه
گطعت خنصر ///// حافر يكسر ///// ظلعك يابويه
وجه السمه /// دمه يسيل
يحمة صعب /// گلب عليل
@@@@@@@
المحامي العندي واحد بس أخاف يموت ضامي
خاف حدر الخيل أشوفه خاف أشوفن نحره دامي
موفقط بس القضيتي كربله بعازت محامي
عمتي من أتصيح وينك خويه حرگوهه خيامي
من تتأخر ///// يا بو الأكبر ///// منهو يحامينه
سكنه تريدك ///// أتجيب أعضيدك ///// هوه وجفينه
الجيت الكمر /// أثر جميل
يحمة صعب /// گلب عليل
@@@@@@@
أقبل أتراب التسحگه من أقدملك تحيه
وين أكو قاضي أبصفاتك أنته سيد عل البريه
لاچن أرد أحچيلي كلمه لاكن خايفه من الغاضريه
خايفه ولا سامح الله تنسبي بعدك رقيه
من أيسلبوهه ///// ويضربوهه ///// وتصير أگبالك
عليك أتأشر ///// تگلك أنضر ///// شيصير أبحالك
دمع الوجل /// يضل دليل
يحمة صعب /// گلب عليل
@@@@@@@
أدري ما ينطيك گلبك يل العليله أتگلي ردي
أحله جمله من أسمع من تگلي ويانه صعدي
بل السفر ما راح أتعبك يل خذت كل ذكره عندي
ما أگول أنطيني أيدك أصعد أعله الناگه وحدي
أبقه أنتضرك ///// اسمع امرك ///// قران احكامك
لو ما امشي ///// غمض رمشي ///// ونسيني أيامك
بگد الهجر /// شكر جزيل
يحمة صعب /// گلب عليل
@@@@@@@
أتريدني وياك أروح أتريدني أضل الجيتك أحسب
أنته قرر وانه سكته أعذرني لو دمعاتي تسچب
وحده من أثنين باجر باجر التاريخ يكتب
لو يضل أسمي العليله لو تشوف العلتي طب
العاش بخيرك ///// وما حب غيرك ///// ينساهه أجروحه
بل الطف روحي //// يا مذبوحي ///// مثلك مذبوحه
دمع الوجل /// يضل دليل
يحمة صعب /// گلب عليل
@@@@@@@
تمت الشاعر علي كامل الحجامي
اللهم العن عمر اللهم العن أبو بكر و عائشة
BY الشاعر .. علي كامل الحجامي
Share with your friend now:
tgoop.com/altfof/754