بكلبي اطيح من اطيح من عيني

ذكرت الموعد الاول من الزمت جفينك
قميصك ما شفت يا لون جنت مركز بعينك


محمد الوسمي 💜

لو أملگ عصا الساحر
واحقق جنة احلامي

اول أمنية بروحي
حبيبي يكون كدامي


غني محسن 💜

اطاولت على كلبي ، أمدة اليسكت لك
لضوكك سم فعلتك ضوك ، وما گتلك

كلبي انظف الدنيا ، أمدة اليسكت لك


علي مهدي 💜

جنت اضنگ منتظرني !
وسفة تاليها لكيتك ...
حيل تفرح من تضرني .



حسين علي المطوري 💜

شنو ذنبي
هويت الما عرفتـه ألمن

وشنو ذنب العيون الما رتاحن يوم
انخلقن شوف لو يبچن



حسام الحلفي 💜

دمع منا ، خجل منا ...
شريد احجي؟

صرت مثل الثلج من كل مكان ابجي



بشار المشهداني 💜

الغربة ...
من تلگه صناديك الرسايل فارغة ومامش جديد

تكتب الروحك رسالة
فشلة من ساعي البريد



فواز رشم 💜

بس ساعدني اريدك تحجي وياي
ما عرف ابادر تدري بيه

احجي وياي كلمة وعوفني وروح
احبك گلي والباقي عليه


ليث ماجد 💜

كام الشتة يحتلني سكته
وسني الضحكلك علت طگته

ضكت الرچيف الما رچفته
هذا البرد يرادله أنت


محمد قاسم 💜

ولك چا وين المروه
يهودي وبالقدس هم هيج ما سوه

شفت سجينك بنحري
بجيت ، وكلت مو هوه


ياسين الدراجي 💜

لا تضل كل ساع تسئل
جاي أرمم بالخراب البيه عفته

ولا دگلي شيوجعك يوجعني انت
انا صح عانيت بعدك بس قويت

وهاك هاي اسئل صورك
أمس لمن گلبتهن ما بچيت


حزام الشمري 💜

رسايل ما رضن يرحن و أوديهن
يخافن جفگ الغايب يأذيهن

ولك هنه ورق بيهن كلام أنسان
عاد أقراهن وبعدين شگ بيهن



علي طالب 💜

نام أنت عوافي تغطه بالروح
وانا اغزل لصبح بخيوط النعاس

كضيت الليل كله اتسله بأثنين
مرة بالجكارة ومرة بالكاس



سعدون قاسم 💜

افهميني انا العطشان الج موت
افهميني ولو مره شتخسرين

طفل كلبي اجه وما شايل فلوس
وانتي منين ما عايين دكاگين



جبار رشيد 💜

أفز وخوفي ما يرگد
وأدورك جوه الوسادة

واكلله لعلاج يصير يم فلان
وأبوي يردني على سادة



علي مزهر 💜

رجعت اتذكر العشرة
واعضهن بالسره العشرة

أجت منك رسالة وكلت خلي أقره
الكلام الشوية ، بس جان الحجي شكبرة



مقتدى الحديدي 💜

شرد أكلك ...
چـا اذا كل هالمتانه وما تجيني

چـا عليمن ضاله اعلى الباب عيني



كاظم أسماعيل لكاطع 💜

هلكد ما أحبك خلص حتى الشوگ
ما حبك گمت من كثر ما احبك


جبار رشيد 💜

أبد منطاني كلبي هناك أخليها
رجعت أركض ، وطلع صورته من النار

وأبوس شمحترك بيها



باهر الجنديل 💜

تكلهم غلط جانت عشرتي وياه
وتحطني بقائمة سوء أختيارك

لذالك أنسحب من النقاشات
شفت دموعي متغير قرارك


عبدالله حسين 💜