ما تقدرني من اباوع من بعيد
يعني إلا تبوسه من توادعه


ليث ماجد 💜

تتركني لمن بده
كلبي اعلمودك صدك ...

تتغير أطباعة
تقترب مني بسنة وتعوفني بساعة


محمد صلاح 💜

چا يمي وتبت ...
وصار العشگ چذبة ؟
چنت أي واحد تحبه


أيهاب عيال الظالمي 💜

انه عندك مو عزيز
ودمعي ما مره جواگ
يا اعز طين ع عيني
شغيراك؟



باهر الجنديل 💜

جتني لصبح وعيونها ذبلانه
حلفت يمين البارحة سهرانه

مستاهلة والله وحيل
روحي اشكي همج لليل
تذكرين من جنت اشتكي الج انا؟


سعدون قاسم 💜

خوفه تضل بطفل من ينچوي يبتعد
جا أنت من تنچوي متصيرلك خوفه

يا كلبي كافي بعد ميحبنه خنعوفه


علي ادريس 💜

هذولي التعبوني وكسرو سنيني
وهذول العدهم حجايات تأذيني

ملح حطوا بعيني وحتى ميزعلون
ملحهم عفته جوه ، وطلعت عيني


علي جبر 💜

كل شيشة عطر تنصنع ، وردة تموت
ويتحسر الطين ، ويضل بس يشتاك

ترا بخت الورد اليعثر المحبوب !
من يهدي العطر ما يچني بس أفراك


ماجد التميمي 💜

اذا متريدني وما بيك چيه
وما مر بيك ضيم المار بيه

لتخليني حاير بين الاثنين
لو تانيك لو تاني المنيه


عصام كريم 💜

جاي أمثل انا عايش
انا ميت من زمااان

انا مو خاسر بشر واكدر اعوضه
انا خسران الأمان


حسين المرياني 💜

كافي بكلبي أضم واليضم تالي يموت
يگضي الماي اذا خلص حياته يفور

أفگ ريچي بجكارة وزعلت أمي بهاي
چا شيصير بيها لو درت مخمور؟


مصطفى أبو سمير 💜

لتبرر ولا تشكيلي حالة
عرفته فراگ من أول رسالة

أجيت تروح وانه محسب حساب
أذا راح الهواة أنت أبدالة !!


باقر قاسم 💜

ويضحكلي جان الهواه من چنه نتحاجه
هسه نكعد انه وهلي
ونطلع بصورتك ونكوم نتباجه


علي طالب 💜

ما ابدل انسان أحبة
ولمصيبة بهذا طبعي

تحلمت غيرك يجي يلبسني حلقة
من الصبح كصيت أصبعي


مرتضى العتابي 💜

سنة شفافج على اشفافي
بصراحة الوكت مو كافي


كاظم أسماعيل الكاطع 💜

كون كل شارع أشوفك
جا كضيت العمر أمشي

وكون أگابل مره وجهك
اله أعميهن اذا ينطبك رمشي

مو مجرد صدفة أنت
ولا محطة ويمها أكعد وأستريح ، أنت كلشي



جبار رشيد 💜

ساكت مثل اليرسمون موقف هيج خلاني
شفتك يمه واحد غازل الثاني

ما أدري ضحكت أنت ضحك هوه
الأذكرة بجيت أني


باهر الجنديل 💜

والهدية تهون
بس شنطي قليل
كون ينحط بظرف گلبي العليل


ليث ماجد 💜

تلزمني الكرامة ويعت بيه الشوك
واني بينهن سيف وعلى أهلي أنسل

شوكي يكلي روح العشك ما بي عيب
الكرامة تكلي عيب تروح لا تنذل


علي مقداد 💜

وعدتني بكلب صافي
وعدتني بحضن دافي

خدعني الظاهر نغشيت
ما جنت أعرف الخافي


ضياء الميالي 💜