tgoop.com/alweyaamosaweyarrrr2626/28386
Last Update:
#وفاة_السيدة_سكينه
تدير العين بنت حسين هاليوم..
عاشت بالحزن والكلب مهضوم..
• ━━━━━━❪❆❫━━━━━━ •
تدير العين سكنه تريد دفان
تريد البيه حميه وفزعة أخوان
صعب فركاج مر وحيل ماهان
ظليتي بقهر دمعج من ادموم..
تدير العين بنت حسين هاليوم..
• ━━━━━━❪❆❫━━━━━━ •
ظليتي بحزن والدمع بالعين
ولاعباس يبرالج ولاحسين
فراك الأهل من عنده تونين
صبح حيلج عليهم حيل مهدوم..
تدير العين بنت حسين هاليوم..
• ━━━━━━❪❆❫━━━━━━ •
تونين بحزن والمدمع يسيل
خلصتي العمر لوعات بالويل
تمنيتي الأبو يحضرلج يشيل
تابوتج يشيله بدمع مسجوم..
تدير العين بنت حسين هاليوم..
• ━━━━━━❪❆❫━━━━━━ •
نحتي وبالحزن فطرتي الجبال
وياحال التفارك مكلف الحال
ردتي البيه حميه حمل وشال
عله آحبابج ياسكنه عشتي بهموم..
تدير العين بنت حسين هاليوم..
• ━━━━━━❪❆❫━━━━━━ •
مهمومه صفيتي عشتي بآلالام
من طف كربله جبتيها للشام
صعبة مدللــت عباس تنظام
تنوح وتنتحب والكلب مالوم
تدير العين بنت حسين هاليوم..
• ━━━━━━❪❆❫━━━━━━ •
نصبنالج عزية وبيرغ آمصاب
ننوح مصيبتج والكلب منصاب
نعازي أم الخدر بفراك الأحباب
وياحيل الكضة آعله المات محروم..
تدير العين بنت حسين هاليوم..
• ━━━━━━❪❆❫━━━━━━ •
*هوسه*
مهضومه وتدير العين بنت حسين هالليله
ناحت بالحزن والنوح يجري المدمع تسيله
تمنت تحضر الوليان نعشهه الزهره تنعيله
*يشيعوهه حسين وعمهه *
• ━━━━━━❪❆❫━━━━━━ •
تمــت بعون اللــه..
✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌
https://www.tgoop.com/alweyaamosaweyarrrr2626
BY آلّشآعرهً آلــــّعــلّويِـــه آلّمٌوسويِــــۿ
Share with your friend now:
tgoop.com/alweyaamosaweyarrrr2626/28386