tgoop.com/alzahraa56852/1132
Last Update:
مولود السيده رقيه سلام الله عليها
وزن نصاري
🌺❤️🌺❤️🌺
الليله لابو اليمه ازهر الكون
بميلادج رقيه الكل يهنون
فرحت انس والجان
بيها حسين فرحان
بميلادج رقيه الكل يهنون
🌺❤️🌺❤️🌺
ازهر كونه وضوت سمانه
وجهج يارقيه نورانه
هله وكل الهله باللي اجانه
سبحانه الرحمن
بيها حسين فرحان
بميلادج رقيه الكل يهنون
*ام منـــ✍️ـذر الحجار*
🌺❤️🌺❤️🌺
هلا مولودها رقيه العزيزه
وامها اليله فرحانه وسعيده
هديه من سما لابن الصميده
انزالت كل الاحزان
بيها حسين فرحان
بميلادج رقيه الكل يهنون
*ام نـــ✍️ــور الباقر المالكي*
🌺❤️🌺❤️🌺
رقيه من اجت تشبه الزهره
شع نور الوجه شعت الدره
عزيزة گلب ابوها والله سره
يابت نسل الاحنان
بيها حسين فرحان
بميلادج رقيه الكل يهنون
*ام حســ✍️ــين التميمي*
🌺❤️🌺❤️🌺
تاج ومملكة الطفله الزغيرة
لاكن بالخرابة شگد جبيرة
رقية بصوت هزت حكم ديرة
صارت قبله واذان
بيها حسين فرحان
بميلادج رقيه الكل يهنون
*العلويةام كـ✍️ـــرار الغالبي*
🌺❤️🌺❤️🌺
هله بالحيرت گوم العواذل
طفله وبالفصاحه لاتجادل
ابوها حسين هيه وعمها كافل
تشهدله الفرسان
بيها حسين فرحان
بميلادج رقيه الكل يهنون
*ام محــ✍️ــمد الساري*
🌺❤️🌺❤️🌺
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
https://www.tgoop.com/alzahraa56852
BY خادمة الحسين_ام نور الباقر المالكي
Share with your friend now:
tgoop.com/alzahraa56852/1132