tgoop.com/alzahraa56852/1144
Last Update:
نخوه
موشح ~
وين يبن الحسن طالت غيبتك
نقسم اعليك ابمصـايب عمتك
هل علينه ياولينه
______
وين يبن الزهره ياطالب الثـــار
الك يالمعــــــود طال الأنتظار
ارواحنـــه الطلعتك ننثر ازهــار
يــــوم نسمعها تدوي صرختك
اشكد تنينه. ياولينه
*✍️الشاعر فالح العامري*
_____
نرتجي ابهاي الولاده اظهورك
سيدي نتمنه نضره النـورك
تحتمي الشيعه مولاي ابسـورك
الفــــرج ندعي تعــــود الامتك
انظر لینه. یاوالينه
✍🏻الشاعره ام عباس الحسيني
______
ارواحنه تفداك يبن. الطاهره
روحي يالمهدي لجيتك ناطره
شيعتك وياك دنيـــــا واخره
كلهايا مولاي تنطــر جيتٰـــك
الصبر وينه ياوالينه.
✍️الشاعره ام. البنين
_____
يمتى يالموعود تظهر يافجــــر
ولله ملينه يمـــــــولاي الصبر
ارواحنه تفداك يغله امن العمر
يكحل عيونه الموالـي بطلعتك
اخذ بدينه، ياوالينه
✍️الشاعره ام نور الباقر المالكي
_____
طالت اسنين انتظارك انت وين
ياحبيب ارواحنه يبن الحســـين
هزنه ليك الشوك يبن الطاهرين
وصارت الايــام سوده ابفركتك
تدري بينه ياولينه
✍🏻. ام حسن البطاط
______
ننتظر كــل جمعه مولانا الفرج
ذابت الملگاك يالمهدي المهج
انت جدك للسمه السابع عرج
يوم عيــد الشيعه تنظر طلتك
للملگه جينه ياولينه
✍️ الشاعره ام محمد الساري
____
ان شاء الله تكحل العيـن انوارك
وتنتـشـر بـين الخلك اخــبارك
يمته يالمحجوب تاخـذ ثـــــارك
بيوم تلفينه و ترفرف رايتــــــك
النار بينه. ياولينه
الشـاعرة✍🏻ڪـلثوم الســاعدي
ـــــــ ـــــــــــــــ
بطلعتك كـل ضيم منا ينگضي
لا تطول الغيبـه ماضن ترتضي
مابعد بينا خلگ للهـم فضــي
وشيعتك للفـــرج كلها ندبتك
ماتجينــه ياولينـــه
✍️الشاعره شيماء ام نور
ـــــــــــــــــــــــــ
عليه السلام
🕊قناة مسلم بن عقيل ع🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري
تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدعاء
https://www.tgoop.com/alzahraa56852
BY خادمة الحسين_ام نور الباقر المالكي
Share with your friend now:
tgoop.com/alzahraa56852/1144