tgoop.com/amAli30/11750
Last Update:
قصيده للحسين عليه السلام تقرأ بعدة اطوار ومنه السريع
المستهل 👇🏻👇🏻
للداست ضلوعه الخيل// للداست ضلوعه الخيل
خلي انعلي صرختنه// خلي انعلي صرختنه
•───✧◐🕊🌻🕊◐✧───•
الزهره تسجب العبره
على الي كسرو صدره
كلبهه يشتعل جمره
صدره الخيل داسنه
خلي انعلي صرختنه
•───✧◐🕊🌻🕊◐✧───•
زينب على التل وكفت
العشره بيدها شبجت
تصيح بصوتها اونت
عدل يحسين لو ميت
يخوي العده اتولتنه
خلي انعلي صرختنه
•───✧◐🕊🌻🕊◐✧───•
الحره افكدت ولياها
وين اللطمت اوياها
على المظلوم عازاها
نواسيهه ابدمعتنه
خلي انعلي صرختنه
•───✧◐🕊🌻🕊◐✧───•
صدرجن حيل دكنه
منّ اللطم خسفنه
وين العلت الونه
هذا امه شفيعتنه
خلي انعلي صرختنه
•───✧◐🕊🌻🕊◐✧───•
كل لطمه التلطميها
الزهره اهناك تنطيها
وتنطيج أكثر اعليها
اتكول انتي الي واستنه
خلي انعلي صرختنه
•───✧◐🕊🌻🕊◐✧───•
واسوها بحزن ياناس
وعزوها على العباس
للمضروب فوك الراس
بيدة يقضي حاجتنه
خالنعلي صرختنه
•───✧◐🕊🌻🕊◐✧───•
✍️بقلم المله والشاعره ام علي الأماره
غير مبري الذمه اليحذف اسم الشاعره ويتلاعب القصيده
اهدي ثواب القصيدة الى والدي ووالدتي الله يرحمهم برحمته الواسعه
من اروع القصائد الحزينه المتنوعه التي تشد العزاء تحصلونه بقناة العبرة الحسينية
https://www.tgoop.com/amAli30
BY قناة العبرة الحسينية
Share with your friend now:
tgoop.com/amAli30/11750